مۇحامماد الي دجيننا – پاكىستاننىڭ ىرگەتاسىن قالاۋشى جانە ءبىرىنشى گەنەرال-گۋبەرناتور – ۇلت اكەسى رەتىندە قۇرمەتتەلەدى, بريتاندىق ءۇندىستاننىڭ ءبولىنۋىن جاقتاعان ەڭ بەلسەندى قاتىسۋشىلاردىڭ ءبىرى, اسا ءىرى مۇسىلمان ساياسي قايراتكەرى.
ورتالىقتىڭ اشىلۋ سالتاناتىندا ءسوز العان قازۇۋ رەكتورى, اكادەميك عالىم مۇتانوۆ قازاقستان رەسپۋبليكاسى مەن پاكىستان يسلام رەسپۋبليكاسىن كوپ جىلعى دوستىق قارىم-قاتىناستار بايلانىستىرىپ, قازاقستان تاۋەلسىزدىك العاننان كەيىن جاڭا سەرپىن العاندىعىن اتاپ ءوتتى. پاكىستان قازاقستاننىڭ تاۋەلسىزدىگىن مويىنداعان العاشقى مەملەكەتتەردىڭ ءبىرى بولدى.
ول ءوز ۋاقىتىندا ءۇندى مۇسىلماندارى ءۇشىن جەكە مەملەكەت قۇرۋعا شاقىرعان مۇحامماد ءالي دجيننانىڭ ورتالىعى بىرەگەي ءارى ەكى ەل اراسىنداعى دوستىق قارىم-قاتىناستى نىعايتۋعا ىقپال ەتەتىنىنە سەنىم ءبىلدىردى.
«1992 جىلدىڭ 24 اقپانىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ پاكىستان يسلام رەسپۋبليكاسىنا رەسمي ساپارى كەزىندە ديپلوماتيالىق جانە كونسۋلدىق قاتىناستار ورناتىلدى. بۇل ماڭىزدى قادام قازۇۋ-دا شىعىستانۋ فاكۋلتەتىندە ۋردۋ بولىمشەسىنىڭ اشىلۋىنا ىقپال ەتتى. سول ۋاقىتتان باستاپ شىعىستانۋ فاكۋلتەتىندە ۋردۋ ءتىلىن بىلەتىن 50-دەن استام مامان دايارلاندى. قازىرگى تاڭدا فاكۋلتەتتە ۋردۋ ءتىلى مەن ادەبيەتى بويىنشا 10-نان استام ستۋدەنت ءبىلىم الىپ جاتىر», – دەدى قازۇۋ رەكتورى عالىم مۇتانوۆ.
قازىرگى تاڭدا ۋنيۆەرسيتەت فاكۋلتەتتەرىنىڭ عىلىمي مەكەمەلەرمەن جانە پاكىستاننىڭ بەلگىلى عىلىم قايراتكەرلەرىمەن ىنتىماقتىعى جولعا قويىلعان. ماسەلەن, وتكەن جىلى قازۇۋ-عا قاراشي ۋنيۆەرسيتەتىنىڭ حالىقارالىق حيميا جانە بيولوگيا عىلىمدارى ورتالىعىنىڭ ديرەكتورى, پروفەسسور مۇحامماد يكبال چاۋدحاري, عالىم احماد حان اشيك عىلىمي-يننوۆاتسيالىق زەرتتەۋلەردى جۇرگىزۋدە ءوز تاجىريبەلەرىمەن ءبولىسىپ, ۋنيۆەرسيتەتتىڭ قۇرمەتتى قوناعى بولدى.
قازۇۋ مەن كاراچي ۋنيۆەرسيتەتىنىڭ حالىقارالىق حيميا جانە بيولوگيا عىلىمدارى ورتالىعىنىڭ بىرلەسكەن جوباسى – يننوۆاتسيالىق زەرتتەۋلەردىڭ عىلىمي زەرتحاناسى – وڭتۇستىك COMSATS ەلدەرىنىڭ تۇراقتى دامۋىنا ارنالعان عىلىم جانە تەحنيكا جونىندەگى كوميسسيانىڭ كومەگىمەن جۇزەگە اسىرىلدى. ورتالىق ءتيىمدى فيتوپرەپاراتتاردى وندىرۋگە باعىتتالعان ىرگەلى زەرتتەۋلەر جۇرگىزەدى.
سونداي-اق قازۇۋ-دىڭ ءۇش ماگيسترانتى قاراشي قالاسىنداعى حالىقارالىق ورتالىقتا عىلىمي-زەرتتەۋ تاعىلىمداماسىنان وتسە, بيولوگيا جانە بيوتەحنولوگيا فاكۋلتەتىندە ءبىر پاكىستان PhD دوكتورانتى ءبىلىم الىپ ءجۇر.
الماتى
