قازاقستان مەن بەلارۋس ەلدەرى – ەگەمەندىك العاننان بەرى ءبىر-بىرىمەن بايلانىسىن ۇزبەگەن بايىرعى سەرىكتەستەر. جانە 25 جىلدىڭ ىشىندە قۋاتتى ساياسي جانە ەكونوميكالىق ىنتىماقتاستىقتىڭ نەگىزىن قالادى. ەكى مەملەكەتتى تابىستى ساۋدا-ەكونوميكالىق قارىم-قاتىناسىن 70-تەن استام مامىلەلى قۇجاتتار بايلانىستىرادى. 2018 جىلى ەكى ەلدىڭ اراسىنداعى ساۋدا اينالىمى 895 ميلليون دوللاردى قۇراسا, 2017 جىلمەن سالىستىرعاندا بۇل كورسەتكىش 30 پايىزعا ءوستى. قازاقستان وندىرۋشىلەرىنىڭ كورمەسى وسى كورسەتكىشتى ۇلعايتۋعا جانە جاڭا سەرىكتەستىك كەلىسىمدەردى جاساۋعا جاڭا سەرپىن بەرەدى دەپ كۇتىلۋدە.
بەلارۋسسياداعى قازاقستاننىڭ ەلشىسى ەرمۇحامەت ەرتىسباەۆ كورمەنىڭ اشىلۋ سالتاناتىندا: «قازاقستانداعى بارلىق دۇكەندەردە, وبلىستىق قالالاردا, ونىڭ ىشىندە قالا تۇرىندەگى اۋىلدى جەرلەردە بەلارۋسسيالىق تاعامدىق ونىمدەر كەڭىنەن تارالعان. قازاقستان بەلارۋسسيالىق ونىمدەر ءۇشىن نارىقتىڭ ەسىگىن كەڭىنەن اشتى. ىسكەرلىك كەڭەستىڭ جۇمىسى بارىسىندا قازاقستاندىق تاعامدىق ونىمدەردەن باسقا ونىمدەر دە بەلارۋسسيادا كەڭىنەن تارالۋعا جول اشادى دەگەنگە سەنەمىن» دەيدى.
«بەلارۋسسيانىڭ قازاقستانمەن قارىم-قاتىناسى ىرعاقتى دا وڭدى دامىپ كەلەدى. قازاقستاندا 40 تاۋار وتكىزۋشى سۋبەكت جانە بەلارۋسسيانىڭ قاتىسۋىمەن 256 كاسىپورىن جۇمىس ىستەيدى. ءبىزدىڭ ەلدە قازاقستاندىق كاپيتالمەن جۇمىس ىستەيتىن 49 كاسىپورىن بار. تاۋار اينالىمى تۇراقتى ءوسىپ كەلەدى, ءبىز 1 ملرد دوللارعا جەتۋدى كوزدەيمىز», – دەيدى بەلتپپ توراعاسى ۆلاديمير ۋلاحوۆيچ.
كورمەدە قازاقستاندىق وندىرۋشىلەر ۇن جانە ماكارون, تۇزدىق پەن ماي, ەت كونسەرۆىلەرىنىڭ, تابيعي سۋسىندار مەن كونديتەرلىك ونىمدەرىن ۇسىندى. كورمەگە كەلۋشىلەر قازاقستاندا جاسالعان ونىمدەردەن اۋىز ءتيىپ, ونىمدەردى باعالاۋعا مۇمكىندىك الدى.
«قازاقستاندىق تاعامدىق ونىمدەر بۇگىنگى تاڭدا جوعارى ساپا دەڭگەيىنە جەتتى. تمد ەلدەرىنىڭ جەتەكشى وندىرۋشىلەرىنە باسەكەلەس بولا الادى. ماكارون, نان-توقاش, ءسۇت, كونديتەرلىك جانە ەت ونىمدەرىن جاساۋدا ءبىز جاقسى دەڭگەيگە جەتتىك. مەنىڭشە, قازاقستاندىق وندىرۋشىلەر وسى جەتىستىكپەن توقتاپ قالماۋى كەرەك. وسى ساتىدا شەتەلدىك نارىقتى بەلسەندى جاۋلاپ الۋ ءۇشىن بىزدە قاجەتتىنىڭ بارلىعى بار», – دەيدى «نوۆو-الدجانسكي مەلكومبينات» جشس باس ديرەكتورى كانات تاپاەۆ.
ىسكەرلىك كەڭەستىڭ جەمىستى جۇمىسىنىڭ ءبىر ناتيجەسى «Hyundai» ارنايى تەحنيكالىق مودەلدەرىنىڭ قاتارىن بەكىتۋ جانە پودسناب پەن ماز بەلارۋسسيالىق سەرىستەستەرمەن جەتكىزىلىم جونىندەگى ەكسپورتتىق كەلىسىمدەرى بولىپ وتىر.
قازاقستاندىق وندىرۋشىلەردىڭ بەلارۋسسيالىق تاۋارلىق جەلىلەردىڭ وكىلدەرىمەن جانە ديستريبيۋتورلارىمەن وتكەن كەزدەسۋلەرىندە دە ناقتى كەلىسىمدەر جاسالعان. وسىلايشا, قۇرامىنا 29 دۇكەن مەن 4 مەيرامحانا كىرەتىن «رادزيۆيللوۆسكي» جەلىسىنىڭ وكىلدەرى قازاقستاندىق تاعامدىق ونىمدەردىڭ بارلىق ۇسىنىلعان تۇرلەرىن ساتىپ الۋعا قىزىعۋشىلىق تۋدىردى. تاراپتار سىناۋعا پارتيانى جەتكىزۋ تۋرالى كەلىستى.
بەلارۋسسيالىق گيپەرماركەتتەردىڭ كوشباسشى «گيپپو» قازاقستاندىق ونىمدەردى يمپورتتاۋدى باستايتىن ءبىرىنشى جەلى بولۋعا نيەت بىلدىرگەن. ەرەكشە سۇرانىستاعى تاۋارلار ۇن, ماكارون ونىمدەرى جانە تابيعي سۋسىندارى بولىپ تابىلادى.
