«اتامەكەن» قر ۇلتتىق كاسىپكەرلەر پالاتاسى باسقارماسىنىڭ شەشىمىمەن الماتى قالاسى كاسىپكەرلەر پالاتاسىنىڭ ديرەكتورى بولىپ ناريمان ابىلشايىقوۆ تاعايىندالدى.
بۇعان دەيىنگى بۇل لاۋازىمدى اتقارعان باعدات عازيز ۇلى تەلەباي باسقا جۇمىسقا اۋىسىنا بايلانىستى قىزمەتىنەن بوساتىلدى. ناريمان ابىلشايىقوۆ وسى كۇنگە دەيىن الماتى وبلىسى كاسىپكەرلەر پالاتاسىنىڭ ديرەكتورى قىزمەتىن اتقارعان.
جاڭا باسشىنى الماتى قالاسى كاسىپكەرلەر پالاتاسىنىڭ ۇجىمىنا «اتامەكەن» قر ۇكپ باسقارما توراعاسىنىڭ ورىنباسارى ەلدار جۇماعازيەۆ تانىستىردى.
ناريمان ابىلشايىقوۆ 1983 جىلى پاۆلودار وڭىرىندە دۇنيەگە كەلگەن. س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «ينجەنەر-قۇرىلىسشى» ماماندىعى بويىنشا تامامداعان. ەكونوميكا عىلىمدارىنىڭ كانديداتى, دوتسەنت.
ەڭبەك جولىن 2002 جىلى پاۆلودار مەملەكەتتىك ۋنيۆەرسيتەتىندەگى تاربيە جۇمىسى ءبولىمىنىڭ مامانى بولىپ باستاعان. ءار جىلدارى «پوليگرافيا پليۋس» جشس باسپا ورتالىعىنىڭ ديرەكتورى, پاۆلودار وبلىسى اكىمىنىڭ كەڭەسشىسى, تۋريزم باسقارماسىنىڭ باسشىسى, الماتى قالاسى كاسىپكەرلەر پالاتاسىنىڭ جوبالاردى سۇيەمەلدەۋ ءبولىمىنىڭ باسشىسى, «اتامەكەن» ۇلتتىق كاسىپكەرلەر پالاتاسى وڭىرلىك دامۋ دەپارتامەنتىنىڭ ديرەكتورى قىزمەتتەرىن اتقارعان. Almaty Management University, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ دوتسەنتى بولىپ قىزمەت ەتكەن. پاۆلودار وبلىستىق ءماسليحاتىنىڭ IV جانە V شاقىرىلىمدارىنىڭ دەپۋتاتى بولىپ سايلانعان.
الماتى
