ەندى سايران, تاستاق جانە ونىڭ ماڭىنداعى اۋدانداردىڭ تۇرعىندارىنا ايتۆ-احۋالىن انىقتاۋ ءۇشىن ارنايى جيتس ورتالىعىنا بارۋدىڭ قاجەتى جوق. الماتىلىقتار تەستى تەگىن جانە قالاۋىمەن جاسىرىن تۇردە تاپسىرا الادى جانە پسيحوالەۋمەتتىك كەڭەس الا الادى. سونداي-اق زەرتحانالىق نەمەسە جەدەل تەستىلەۋ ءادىسىن تاڭداۋعا بولادى. سوڭعى جاعدايدا ايتۆ-مارتەبەسى 15-20 مينۋتتان كەيىن بەلگىلى بولادى. جاڭا پۋنكت تاستاق بازارىنىڭ جانىنداعى «ال-باري» ساۋدا-ويىن-ساۋىق ورتالىعىندا ورنالاسقان.
– قان الۋ پۋنكتى بارلىق قاجەتتى جابدىقتارمەن جابدىقتالعان. تالداۋدىڭ ءوزى ورتالىقتا جوعارى تەحنولوگيالىق جابدىقتا مامانداندىرىلعان زەرتحانادا جۇرگىزىلەدى. زەرتحانا قر ست 15189-2015 ISO حالىقارالىق ۇلگىسىندەگى اككرەديتتەۋ اتتەستاتىن الدى. قان الۋ پروتسەسىمەن جانە تالداۋ جۇرگىزۋمەن جوعارى بىلىكتى ماماندار اينالىسادى, – دەيدى الماتى قالالىق جيتس-تىڭ الدىن الۋ جانە وعان قارسى كۇرەس ورتالىعىنىڭ باس دارىگەرى مارات تۇكەەۆ.
قان الۋ پۋنكتىندە سونداي-اق, جىنىستىق جولمەن بەرىلەتىن ينفەكتسيالارعا, گەپاتيتتەرگە جانە باسقا دا اۋرۋلارعا اناليزدەردى تاپسىرۋعا مۇمكىندىك بار. تۇرعىنداردىڭ ءوتىنىشى بويىنشا دارىگەرلەر اپتاسىنا التى كۇن جۇمىس ىستەيدى.
ايتۆ-عا تەستىلەۋ جونىندەگى مامانداندىرىلعان زەرتحانانىڭ قوسىمشا قان الۋ پۋنكتى اشىلۋى ايتۆ ىندەتىن تەجەۋدە تۇبەگەيلى شارالار قابىلداۋ جونىندەگى پاريج دەكلاراتسياسىنا قول قويۋ اياسىندا الماتى – ورتالىق ازياداعى ءبىرىنشى قالا – دەنساۋلىقتى قورعاۋ جونىندەگى شارالاردىڭ قيسىندى جالعاسى بولىپ تابىلادى.
الماتى
