قازاقستان • 17 ماۋسىم، 2019

قازاقستان حالىقارالىق اكەلەر كۇنىن اتاپ ءوتتى

998 رەت كورسەتىلدى

ماسەلەن، قازاقستاندا مەكتەپ جاسىنا تولماعان بالالاردىڭ كۇتىمى مەن تاربيەسىنە اكەلەردىڭ تەك 6،6% عانا قاتىسادى. سونىمەن ەلىمىزدە ماماندىقتارى ءار ءتۇرلى اكەلەر حالىقارالىق اكە كۇنىن اتاپ ءوتىپ، بالالاردى تاربيەلەۋ تاجىريبەسىمەن ءبولىسۋ ءۇشىن قازاقستانداعى بىرىككەن ۇلتتار ۇيىمىنا قوسىلدى.

بۇۇ-نىڭ بالالار قورى (يۋنيسەف)، بۇۇ-نىڭ تۇرعىن حالىق سالاسىنداعى قورى (يۋنفپا)، «بۇۇ ايەلدەرى» قۇرىلىمى ۇيىمداستىرعان ءىس-شاراعا باق، حالىقارالىق ۇيىمدار جانە ازاماتتىق قوعام وكىلدەرى قاتىستى. قاتىسۋشىلار وزدەرى ءۇشىن اكە بولۋ دەگەن نە ەكەنىن جانە قانداي دا ءبىر قيىندىقتاردى جەڭىپ، ءوز بالالارىنىڭ ومىرىنە بەلسەندى تۇردە قاتىساتىنى تۋرالى ايتىپ بەردى.

«بالا تاربيەسىنە اكەلەردىڭ قاتىسۋى بالانىڭ جالپى دامۋىنا عانا وڭ اسەرىن تيگىزىپ قويماي، ۇيدەگى سەرىكتەستەر اراسىنداعى ءۇي جۇمىسىن تەڭدەي ءبولۋ ارقىلى وتباسىنىڭ نىعايۋىنا دا سەپتىگىن تيگىزەدى»، – دەيدى بۇۇ-نىڭ تۇراقتى ۇيلەستىرۋشىسى نوريماسا شيمومۋرا.

«بۇل وتە وكىنىشتى، سەبەبى بالا كۇتىمىنە بايلانىستى اۋىرتپالىق كوبىنەسە اناعا تۇسەدى جانە اكەلەر ءوز بالالارىنىڭ ومىرلەرىندە ماڭىزدى ءرولدى اتقارۋ مۇمكىندىگىن جوعالتادى»، – دەدى بۇۇ-نىڭ تۇراقتى ۇيلەستىرۋشىسى نوريماسا شيمومۋرا.

بۇكىل الەمدە ەر ادامدار بالالار كۇتىمىمەن جانە ءۇي شارۋاسىمەن كۇننەن كۇنگە كوبىرەك اينالىسۋدا. العا دامۋ بايقالادى، الايدا وزگەرىستەر وتە باياۋ جۇزەگە اسۋدا. 1997 جىل مەن 2012 جىلدار اراسىندا ايەلدەر مەن ەركەكتەردىڭ ءۇي جۇمىسىمەن اينالىسۋعا بولەتىن ۋاقىتىنداعى ايىرماشىلىق كۇندەلىكتى تەك جەتى مينۋتقا قىسقارعان.

ايەلدەر ۇيدەن تىس ۋاقىتتا ەر ادامدارمەن بىردەي ۋاقىت جۇمىس ىستەگەندە دە، بۇل تەڭسىزدىك ساقتالادى. بۇگىنگى كۇنى قازاقستانداعى ايەلدەر ەر ادامدارمەن سالىستىرعاندا ءۇي جۇمىسىنا ەكى ەسە كوپ ۋاقىت جۇمسايدى. سونىمەن قاتار، قازاقستاندىق ايەلدەردىڭ 66% ۇيدەن تىس جۇمىس ىستەيدى. سالىستىراتىن بولساق، ەڭبەك نارىعىنداعى ەرلەر ۇلەسى تەك 11% عانا ارتىق جانە جالپى 77%. قۇرايدى.

اكەلەر كۇنىندە بۇۇ بالالار قورى (يۋنيسەف) وكىلى ارتۋر ۆان ديزەن، تەلەجۇرگىزۋشى دانيار قوشقارباەۆ، «اۋتيزم. قولجەتىمدى ورتا» قورىنىڭ نەگىزىن قالاۋشى جانە «اكەلەر وداعى» قوعامدىق بىرلەستىگىنىڭ توراعاسى مىندەتىن اتقارۋشى رۋسلان قازىباەۆ، زاڭگەر جانە الەۋمەتتىك جەلىلەردەگى ينفليۋەنسەر مەدەت ۋسسەروۆ ءسوز سويلەدى. سپيكەرلەر اجىراسۋدى باستان كەشىرگەننەن كەيىنگى اكە ءرولى، ەرەكشە مۇقتاجدىقتارى بار بالا مەن كىشكەنتاي بالالاردىڭ تاربيەسى تۋرالى ءسوز قوزعادى.

قازاقستان «اكەلەرى وداعىنىڭ» توراعاسى مىندەتىن اتقارۋشى رۋسلان قازىباەۆ بالاسىنا ءتورت جاسقا تولعاندا اۋتيزم دياگنوزى قويىلعاننان كەيىن «اۋتيزم. قولجەتىمدى ورتا» قورىن قالاي قۇرعانى جايلى باياندادى. قوردىڭ مىندەتى – جاۋاپتى اكە بولۋ ماڭىزدىلىعىن قوعامعا ءتۇسىندىرىپ، جاڭا نورمانى قالىپتاستىرۋ.

«ءبىز ادەتتە اكەلەر جانۇياعا تەك ماتەريالدىق جاعىنان كومەك كورسەتۋ ءۇشىن جانە بالا ءتىل الماعاندا تارتىپكە كەلتىرۋ ءۇشىن قاجەت دەپ ويلايمىز. اكە بولۋ دەگەنىمىز – بالاعا جاقسى دوس، سەرىكتەس بولۋ جانە وتباسىلىق مىندەتتەردى بولىسە اتقارۋ»، – دەدى رۋسلان.


سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار