ەكونوميكا • 11 ماۋسىم، 2019

بانكتىڭ «باعالاۋشىلار كابينەتى» نەسيەلىك وتىنىمدەردى قاراستىرۋ مەرزىمىن قىسقارتتى

184 رەت كورسەتىلدى

تۇرعىن ءۇي قۇرىلىس جيناق بانكىندە «باعالاۋشىلار كابينەتىنىڭ» ىسكە قوسىلۋى نەسيەلىك وتىنىمدەردى قاراستىرۋ مەرزىمىن قىسقارتتى.

بۇگىنگى تاڭدا تۇرعىن ءۇي قۇرىلىسىن جۇرگىزۋ جانە ونى ساتىپ الۋ ماقساتىندا قازاقستاندىقتارعا بولىنگەن بارلىق نەسيە كولەمىنىڭ 59%-ى تۇرعىن ءۇي قۇرىلىس جيناق بانكىنە تيەسىلى. بانك ونىمدەرىنىڭ ۇلكەن سۇرانىسقا يە بولۋىنا بايلانىستى تقجب كليەنتتەرگە قىزمەت كورسەتۋ ۋاقىتىن قىسقارتۋدىڭ جاڭا شەشىمىن ەنگىزىپ، بانكتىك پروتسەسستەردى اۆتوماتتاندىرۋدا، دەپ حابارلايدى تقجب ءباسپاسوز قىزمەتى

سولاردىڭ ءبىرى – «باعالاۋشىلار كابينەتى» ارنايى باعدارلاماسى. بۇگىنگە دەيىن مۇنداي قىزمەت ءتۇرى قازاقستان مەن كورشى ەلدەردە بولماعان. «باعالاۋشىلار كابينەتى» شۇعىل تۇردە جىلجىمالى م ۇلىكتى باعالاۋ ەسەبىن جاساۋعا جانە ونى ونلاين-رەجيمدە بانككە ۇسىنۋعا مۇمكىندىك بەرەدى. وسى قوسىمشا ىسكە قوسىلعاننان بەرى نەسيەلىك ءوتىنىمدى قاراستىرۋ مەرزىمى ايتارلىقتاي قىسقاردى. ماسەلەن، وسىعان دەيىن وتىنىمدەر 15 كۇن ىشىندە قاراستىرىلسا، ەندى بۇل پروتسەسس تەك 3 كۇندە جۇزەگە اسىرىلادى.

قازىرگى ساتتە قوسىمشادا 216 باعالاۋشى كومپانيا بار. بۇعان دەيىن اتالعان سەرۆيستى پايدالانۋ ءۇشىن بانك 2 500 تەڭگە مولشەرىندە كوميسسيا السا، ەندى 2019 جىلدىڭ 17 ماۋسىمىنان باستاپ بۇل قىزمەت ءتۇرىن تەگىن پايدالانۋعا بولادى. بۇل جونىندە تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا الماتى قالاسىندا باعالاۋشى كومپانيالار وكىلدەرىمەن وتكەن كەزدەسۋ بارىسىندا اتاپ ءوتتى. ول، سونداي-اق، وسى ساتتەن باستاپ بانكتىڭ باعالاۋشى-سەرىكتەستەرى سانىنىڭ ارتاتىندىعىن، وسىلايشا بانك كليەنتتەرىنە قىزمەت كورسەتۋ ساپاسىنىڭ الدەقايدا جاقساراتىندىعىن حابارلادى.

– بۇگىندە تۇرعىن ءۇي قۇرىلىس جيناق بانكى ەڭ ءىرى كەپىلزات يەسى. پورتفەلىمىزدىڭ كەپىل باعاسى 2 تريلليون تەڭگەنى قۇرايدى. وسى جىلدىڭ العاشقى بەس ايى ىشىندە ءبىز شامامەن 17 000 زايم بەردىك. بۇل – بانك تاريحىنداعى رەكوردتىق  كورسەتكىش. سوندىقتان، ءبىز ءۇشىن تۇرعىن ءۇيدى باعالاۋ جۇمىستارىنىڭ جىلدام، ساپالى ءارى ايقىن تۇردە جۇرگىزىلۋى وتە ماڭىزدى. الداعى ۋاقىتتا «باعالاۋشىلار كابينەتىنە» قالعان سەرىكتەستەرىمىزدىڭ دە قوسىلاتىنىنا سەنەمىز. قازىرگى كەزدە قازاقستان بويىنشا 1 200 باعالاۋشى كومپانيا قىزمەت كورسەتەدى. ءبارىمىز بىرگە جۇمىس ىستەسەك، ازاماتتارىمىزعا ەڭ قىسقا مەرزىمدە ساپالى قىزمەت كورسەتىن بولامىز، – دەدى ءلاززات يبراگيموۆا.


الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار