ايماقتار • 06 ماۋسىم، 2019

قازاقستان كارديولوگتارىنىڭ XI كونگرەسى ءوتىپ جاتىر

973 رەت كورسەتىلدى

بۇل كۇندەرى دەنساۋلىق ساقتاۋ مينيسترلىگىنىڭ بيىلعى عىلىمي-تاجىريبەلىك ءىس-شارالار جوسپارىنا سايكەس، الماتىدا ءۇش كۇنگە سوزىلاتىن قازاقستان رەسپۋبليكاسى كارديولوگتارىنىڭ XI كونگرەسى ءوتىپ جاتىر.

كەشە، كونگرەستىڭ العاشقى كۇنىندە ارتەريالىق گيپەرتونيا جانە كارديوۆاسكۋليارلىق پروفيلاكتيكا جونىندەگى ماماندار قوعامى، قازاقستان اريتمولوگتار قوعامى، جىبەك جولى ەلدەرى جۇرەك ىرعاعى قوعامى، جۇرەك-قان تامىرلارى سوزىلمالى اۋرۋلار جونىندەگى ساراپشىلار قوعامى بىرلەسكەن سەسسيالار، ساتەلليتتىك سيمپوزيۋمدار وتكىزدى.

بۇگىن دەنساۋلىق ساقتاۋ مينيسترلىگى وكىلدەرىنىڭ، «ۇلتتىق مەديتسينالىق ۋنيۆەرسيتەت» عاق رەكتورى ت.نۇرعوجيننىڭ، كارديولوگتار قاۋىمداستىعى پرەزيدەنتى س.بەركىنباەۆتىڭ قاتىسىمەن كونگرەسس سالتاناتتى تۇردە اشىلدى

سونداي-اق بۇگىن ەۋروپا كارديولوگتارى قوعامى مەن جۇرەك قىزمەتىنىڭ جەتىسپەۋشىلىگى جونىندەگى ەۋروپا قاۋىمداستىعى مەن بىرلەسكەن سەسسيا وتكىزىپ، وعان ۆەرا رەگيتس زاگروچەك، لوپاتين يۋري ميحايلوۆيچ، ماريو مارزيللي قاتىستى. كارديولوگيانىڭ نەگىزگى باعىتتارى بويىنشا سەكتسيالىق عىلىمي ماجىلىستەر مەن شەبەرلىك ساباقتارى ءوتتى.

ەرتەڭ، 7 ماۋسىم كۇنى كوكتامىر جانە كۇرەتامىر ترومبوزىن، وكپە گيپەرتەنزياسىن الدىنا الۋ جانە ەمدەۋ تاقىرىبىندا سەسسيالار وتەدى.

ءۇش كۇن بويى كارديولوگيالىق قىزمەتتى ۇيىمداستىرۋ ماسەلەلەرى، كۇرەتامىر گيپەرتونياسىن دياگنوستيكالاۋ، ەمدەۋ جانە الدىن الۋعا ارنالعان جاڭا تاسىلدەمەلەر، ينتەرۆەنتسيالىق كارديولوگيالار سالاسىنداعى يننوۆاتسيالار، كارديولوگياداعى حيرۋرگيالىق ەمدەۋ ادىستەرى، اتاپ ايتقاندا، قازاقستانداعى جۇرەك ترانسپلانتاتسياسى، كارديولوگياداعى كوموربيدتىلىك ماسەلەلەرى، جۇرەك-قانتامىر اۋرۋلارىن الدىن الۋ ماسەلەلەرى تالقىلانادى.

فورۋم جۇمىسىنا الىس جانە تاياۋ شەتەلدىڭ  (يتاليا، گوللانديا، يزرايل، رەسەي، بەلارۋس، ۋكراينا) جەتەكشى عالىمدارى، وڭىرلەردەگى دەنساۋلىق ساقتاۋ باسقارمالارىنىڭ باسشىلارى، باس ماماندار، قاناينالىم جۇيەسى اۋرۋلارى جانە مەديتسينالىق ءبىلىم بەرۋ جونىندەگى ۇيلەستىرۋشىلەر، كارديولوگتار مەن تەراپەۆتتەر قاتىسىپ وتىر.

كونفەرەنتسيا باعدارلاماسىندا 100-دەن اسا بايانداما قامتىلعان، سونىڭ ىشىندە وتاندىق دەلەگاتتارىنىڭ سانى 400-گە جۋىق.

فورۋم سوڭىندا ەلىمىزدەگى كارديولوگيالىق قىزمەتتى جەتىلدىرۋ جولدارىن بەلگىلەيتىن قارار قابىلدانادى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار