مۇنان سوڭ پىكىرتالاسقا قاتىسۋشىلار ءسوز الدى. وبلىستىق ىشكى ساياسات باسقارماسى جاستار ءىسى جونىندەگى ءبولىمىنىڭ جەتەكشىسى دامير ىرگەباەۆ ەلباسى نۇرسۇلتان نازارباەۆتىڭ دانا ساياساتىنا جوعارى باعا بەردى. اسىرەسە بيىلعى جىلدىڭ جاستار جىلى اتالۋىنىڭ ماڭىزىنا توقتالدى. وسى ورايدا جاستار جىلى ىشىندە وبلىس ورتالىعىندا ستۋدەنت جاستارعا ارنالعان بىرنەشە جاتاقحانا سالۋ كوزدەلۋدە. جاتاقحانالار ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىندە, ا.مىرزاحمەتوۆ اتىنداعى ۋنيۆەرسيتەتتە, سونداي-اق ءتورت كوللەدجدە سالىنباق.
باعدارلاما اياسىندا كوكشەتاۋ قالاسىندا 424 جاس وتباسى ءۇشىن 6 كوپ قاباتتى تۇرعىن ءۇي بوي كوتەرەتىن بولادى. بۇل باعدارلامانىڭ ارتىقشىلىعى, ءپاتەر قۇنىنىڭ تومەندىگى. جاستارعا جاسالىپ جاتقان جاقسىلىق از ەمەس, وبلىستا «7-20-25» تۇرعىن ءۇي باعدارلاماسى بەلسەندى جۇمىس ىستەۋدە. قازىردىڭ ءوزىندە 500-دەن استام ادام باسپانا ماسەلەسىن شەشتى. بۇل تۇڭعىش پرەزيدەنتىمىزدىڭ بەس الەۋمەتتىك باستاماسىنىڭ شاراپاتى. جاستاردى قولداۋ جانە ساپالى ءبىلىم الۋعا تارتۋ ءۇشىن ءار جىل سايىن وبلىس اكىمى اتاۋلى ستيپەنديا بولۋدە. 2018 جىلى وسىنداي ستيپەندياتتار سانى 275 ادامعا جەتىپ, 106,0 ميلليون تەڭگە ستيپەنديا تولەندى. گرانت يەگەرلەرىنىڭ سانى 250-گە جەتتى. جاستار وقۋ ورنىن اياقتاعاننان كەيىن ءوز ماماندىقتارى بويىنشا جۇمىس ىستەۋگە مول مۇمكىندىك تۋدىرىلىپ وتىر. «ديپلوممەن – اۋىلعا!» باعدارلاماسى دا جاستاردىڭ ءوز ماماندىقتارى بويىنشا لايىقتى جۇمىس ورنىن تابۋىنا تاماشا ىقپال ەتۋدە. بيىل وبلىسىمىزدا «Zhas Projekt» جاستار كورپۋسىن دامىتۋ جوباسى باستالىپ وتىر. وبلىس بويىنشا ءۇش ميلليارد تەڭگەدەن استام قاراجاتتى قۇرايتىن 850-گە جۋىق نەسيە بەرىلدى. بۇل قاراجاتتىڭ باسىم بولىگىن 30 جاسقا تولماعان جاس كاسىپكەرلەر الدى. وسىنىڭ بارلىعى جاستارعا جاسالعان كول-كوسىر جاقسىلىق.
ال الدىمىزداعى پرەزيدەنت سايلاۋىنان سوڭ ەلباسى ىرگەسىن قالاپ بەرگەن جاسامپاز ىستەر جالعاسىن تاپپاق. بولاشاق ەل تاعدىرىن شەشەتىن تۇلعا جاستار ءۇشىن بارىنشا جاعىمدى جاڭالىقتاردى, جاقسىلىققا تولى باستامالاردى جالعاستىرادى دەپ سەنەمىز دەگەن پىكىرلەر دە ايتىلدى. جۇمىسپەن قامتۋدى جانە الەۋمەتتىك ماسەلەلەردى ۇيلەستىرۋ باسقارماسى باسشىسىنىڭ ورىنباسارى شولپان راحماتۋلينا جاستاردى ەڭبەكپەن قامتۋ ماسەلەلەرى قانشالىقتى جۇزەگە اسىپ جاتقانىنا توقتالدى. بيىلعى جاستار جىلى وڭىردە ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى جۇزەگە اسىرىلۋدا. سوڭعى جىلدارى جاستاردىڭ جۇمىسسىزدىعى ازايىپ كەلەدى. جۇمىسقا ورنالاسقانداردىڭ 10 پايىزى جاستار.
پىكىرتالاس سوڭىندا جاستار ءبىراۋىزدان ەل پرەزيدەنتىنىڭ ءۇندەۋىن زور تۇسىنىستىكپەن قابىلداپ, قولدايتىندىقتارىن جەتكىزدى. وبلىس جاستارىن سايلاۋعا قاتىسۋعا شاقىردى.
