دەلەگاتسيانىڭ قۇرامىنا ەنەرگەتيكا, يندۋستريا جانە ينفراقۇرىلىمدىق دامۋ, اۋىل شارۋاشىلىعى مينيسترلىكتەرىنىڭ قۇرىلىمدىق بولىمشەلەرىنىڭ باسشىلارى, «سامۇرىق-قازىنا» ۇاق» اق, «بايتەرەك» ۇبح» اق, «Kazakh Invest» ۇك» اق, «استانا» حالىقارالىق قارجى ورتالىعىنىڭ اكىمشىلىگى, «اگرارلىق نەسيە كورپوراتسياسى» اق, «استانا» اكك» اق, «اقتوبە» اكك» اق, «ورال» اكك» اق, قازاقستاننىڭ كۇن ەنەرگياسى قاۋىمداستىعى, سونداي-اق قازاقستاندىق جەكە كاسىپورىنداردىڭ وكىلدەرى كىردى.
«روۋد-شوۋ» باعدارلاماسىندا 80-گە جۋىق يسپان كومپانيالارىنىڭ قاتىسۋىمەن قازاقستان-يسپان بيزنەس-فورۋمىن وتكىزۋ, ەلدىڭ ءىجو-ءنىڭ 20%-دان استامىن جانە شەتەلگە سالىنعان ينۆەستيتسيالاردىڭ 50%-ىن قۇراعان كومپانيالار مەن بانكتەر كىرەتىن يسپاندىق ەكسپورتتاۋشىلار مەن ينۆەستورلار كلۋبىنىڭ مۇشەلەرىمەن كەزدەسۋ بولدى.
سىرتقى ىستەر ءمينيسترىنىڭ ورىنباسارى ە. كوشەرباەۆ, يسپانيانىڭ ساۋدا جونىندەگى مەملەكەتتىك حاتشىسى شيانا مەندەس پەن قازاقستاننىڭ يسپانياداعى ەلشىسى كونستانتين جيگالوۆتىڭ باياندامالارىندا قازاقستان مەن يسپانيا اراسىنداعى ەكىجاقتى ىنتىماقتاستىقتىڭ قارقىندى دامۋى جانە اعىمداعى جىلى ونىڭ جاندانۋى, ستراتەگيالىق ارىپتەستىك تۋرالى شارتقا قول قويىلعان كۇننەن باستاپ ونجىلدىقتا ىنتىماقتاستىقتىڭ قارقىندى دامۋى اتاپ ءوتىلدى.
قازاقستاندىق دەلەگاتسيانىڭ باسشىسى سىرتقى ىستەر مينيسترلىگىنىڭ جاڭا فۋنكتسيالارى تۋرالى ايتىپ, قازاقستاننىڭ ينۆەستيتسيالىق تارتىمدىلىعىنىڭ نەگىزگى قۇرامداس بولىكتەرىن سيپاتتادى.
قازاقستاندىق دەلەگاتسيا وكىلدەرى كولىكتىك ينفراقۇرىلىم, جاڭارتىلعان ەنەرگەتيكا, قورشاعان ورتا, اگروونەركاسىپ سەكتورى, بيوتەحنولوگيا, فارماتسەۆتيكا, قۇرىلىس, ينجينيرينگ, ساندىق تەحنولوگيالار, قورعانىس جانە اەروعارىش ونەركاسىبى, اۆتوكومپونەنتتەر ءوندىرىسى, ستانوك جاساۋ, مەتالل وڭدەۋ, ەلەكتروتەحنيكا سياقتى سالالارىندا ينۆەستيتسيالىق جانە تەحنولوگيالىق ىنتىماقتاستىق مۇمكىندىكتەرىمەن تانىستىردى.
يسپان سەرىكتەستەرىنىڭ قازاقستاننىڭ گەوگرافيالىق ورنالاسۋى جانە ءبىزدىڭ ەلىمىز ارقىلى وتەتىن كولىك-لوگيستيكالىق باعىتتاردى ەسكەرە وتىرىپ, قوسىمشا قۇنى بار بىرلەسكەن ءونىم ءوندىرىسىن قۇرۋ تارتىمدىلىعىنا نازارى اۋدارىلدى. «استانا» حالىقارالىق قارجى ورتالىعى نەگىزىندە ىسكەرلىك بايلانىستاردى دامىتۋ كەلەشەگىنە ەرەكشە كوڭىل ءبولىندى.
سىرتقى ىستەر ءمينيسترىنىڭ ورىنباسارى ە. كوشەرباەۆ يسپانيانىڭ ساۋدا جونىندەگى مەملەكەتتىك حاتشىسى, ەكونوميكا جانە ونەركاسىپ سالاسىنداعى قازاقستان-يسپان ۇكىمەتارالىق كوميسسياسىنىڭ تەڭ توراعاسى ش. مەندەسپەن كەلىسسوزدەر وتكىزىپ, ونىڭ بارىسىندا ەكىجاقتى ساۋدا جانە ينۆەستيتسيالار سالاسىنداعى كەڭ اۋقىمدى ماسەلەلەردى تالقىلادى.
فورۋم اياسىنداعى ەكىجاقتى كەزدەسۋلەرگە ماڭىزدى ءرول ءبولىندى. سونىمەن, ە. كوشەرباەۆتىڭ «Acciona Energy» باس اتقارۋشى ديرەكتورى رافاەل ماتەو جانە «Abengoa» كومپانياسىنىڭ ۆيتسە-پرەزيدەنتى گەرمان بەحارانومەن (ەكى كومپانيا دا Forbes Global 2000 رەيتينگىنە كىرەدى) كەزدەسۋى بارىسىندا قازاقستاندا جاڭارتىلاتىن ەنەرگيا كوزدەرىنىڭ (جەك) اۋكتسيوندىق ساۋدا جۇيەسى تۋرالى پرەزەنتاتسياسى ءوتتى. كومپانيالار اعىمداعى جىلى قازاقستاندا وتەتىن جەك سالاسىنداعى ينۆەستيتسيالىق جوبالاردى ىسكە اسىرۋ بويىنشا اۋكتسيونعا قاتىسۋعا شاقىرىلدى.
قازاقستاندىق دەلەگاتسيانىڭ Danobat, Mercasa, ACS Industrial, Arteche, Tecnove Security, Elecnor, IGEN, CAF, NEFTAN, Russel Bedford, Grupo Anka, Temagra, Globaltec, ARPA, Techno Concrete, Raesa جانە تاعى باسقا يسپان كومپانيالارىمەن كەزدەسۋلەردىڭ قورىتىندىسى بويىنشا ساۋدا-لوگيستيكالىق ورتالىقتاردىڭ قىزمەتى, اۋىل شارۋاشىلىعى ونىمدەرىن وڭدەۋ جانە ەكسپورتتاۋ ماسەلەلەرى , سونداي-اق يسپان تەحنولوگيالارىن ستانوك جاساۋ جانە ەلەكتروتەحنيكا سالاسىنا تارتۋ ماسەلەلەرى بويىنشا ىنتىماقتاستىقتىڭ الەۋەتى بەلگىلەندى.
مادريدتە وتكەن ءىس-شارالاردىڭ قورىتىندىسى بويىنشا 20 ناۋرىزدا جەتەكشى يسپاندىق باق-تىڭ قاتىسۋىمەن بريفينگ ءوتتى. «روۋد-شوۋ» قورىتىندىلارىنان باسقا, جۋرناليستەردى قازاقستان پرەزيدەنتى وكىلەتتىلىگىن پارلامەنت سەناتىنىڭ توراعاسى قاسىم-جومارت توقاەۆقا تاپسىرۋىمەن بايلانىستى ماسەلەلەر قىزىقتىردى.
قازاقستان ءسىم باسشىسىنىڭ ورىنباسارى ە. كوشەرباەۆ ەلباسى نۇرسۇلتان نازارباەۆتىڭ قابىلداعان شەشىمى مەن ودان كەيىنگى پروتسەدۋرالارى قر كونستيتۋتسياسى مەن زاڭدارىنا سايكەس جۇزەگە اسىرىلاتىنىن اتاپ ءوتتى. قازاقستان ءوزىنىڭ حالىقارالىق مىندەتتەمەلەرىن بەرىك ۇستانىپ كەلەدى, ەلدىڭ سىرتقى ساياسي باعىتى وزگەرىسسىز قالادى.
2018 جىلى قازاقستان مەن يسپانيا اراسىنداعى تاۋار اينالىمى 2 ملرد. اقش دوللاردان اسىپ, ونىڭ ىشىندە قازاقستاننان يسپانياعا ەكسپورت 1 ملرد. 862 ملن. دوللارىنا جەتسە, يسپانيانىڭ قازاقستانعا يمپورت كولەمى 179,5 ملن. دوللارىن قۇرادى.
