قازاقستان پرەزيدەنتى قاسىم-جومارت توقاەۆ استانانى قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قۇرمەتىنە اتاۋدى ۇسىنعان بولاتىن.
اتىراۋ وبلىسىنداعى «داۋلەت نان», «امانگەلدى », «Caspiy Lana», «اليانس ستروي», ءاموز , «ەمبىمۇنايگاز», «جىگەرمۇنايسەرۆيس», «اتىراۋنەفتەماش», “Isker”, “اتىراۋينجستروي” مەكەمەلەرىنىڭ ەڭبەك ۇجىمدارى جانە جاستار مەن ۇكىمەتتىك ەمەس ۇيىمدار ەلباسىنىڭ اتىنا حات جولدادى. حاتتا ۇلت كوشباسشىسىن قولدايتىندارى, استانا اتاۋىن وزگەرتۋ نۇرسۇلتان نازارباەۆتىڭ قازاقستان حالقى الدىنداعى ەلەۋلى ەڭبەگىمەن بايلانىستى ەكەنى ايتىلعان. استانا اتاۋىن وزگەرتۋدى تالاپ ەتىپ, جالپى العاندا 7093 قول قويىلدى.
«ەلباسىنىڭ حالىقارالىق ارەناداعى بەدەلى جوعارى ەكەنى انىق. ءبىزدىڭ ەلىمىزدى الەم تانىدى. قازاقستاننىڭ ۇسىنىستارىمەن ساناسادى. بۇل نۇرسۇلتان نازارباەۆتىڭ ۇلكەن ەڭبەگى. قازاقستاننىڭ وركەندەۋ كەزەڭى, الەمدە ابىرويلى بولۋى ن.نازارباەۆتىڭ ەسىمىمەن بايلانىستى. جاڭا تاۋەلسىز مەملەكەت قالىپتاسۋىنىڭ باستاۋىندا نازارباەۆ تۇردى. ەلباسىمىزدىڭ ارقاسىندا قازاقستاندا ستراتەگيالىق جانە ساياسي سەرىكتەستەر كوپ», - دەپ جازىلعان «Caspiy Lana» جشس قىزمەتكەرلەرىنىڭ حاتىندا.
«ەلوردانىڭ استاناعا اۋىسۋى نۇرسۇلتان نازارباەۆتىڭ ەڭبەگى. قيىن كەزەڭدە باتىل, كورەگەن شەشىم قابىلدادى. بۇگىندە استانامىز ادەمى قالالاردىڭ ءبىرى. تاريحي ماڭىزدى وقيعالار وسىندا وتەدى. ەلباسى استاناعا اتىن بەرۋگە لايىقتى دەپ سانايمىز. ءسىز بىزگە قۇرمەت كورسەتىپ, وندىرىسىمىزگە كەلدىڭىز, جۇمىس جاعدايىمەن تانىسىپ, ونىمدەرىمىزگە باعا بەردىڭىز. ءبىز ءسىزدى ارقاشان قولدايمىز, نۇرسۇلتان ءابىش ۇلى!», - دەپ اتاپ كورسەتىلگەن «داۋلەت نان» جشس ەڭبەك ۇجىمى جولداعان حاتتا.
«الەمدە مۇنداي تاجىريبە بار. ەل ءۇشىن ولشەۋسىز ەڭبەك سىڭىرگەن, تاريحتا قالعان تۇلعالارعا قۇرمەت رەتىندە اتى بەرىلەدى. ەڭ بەلگىلى مىسال – ۆاشينگتون. اقش-تىڭ حالىق سايلاعان العاشقى پرەزيدەنتى. ونىڭ ەسىمىمەن ەل استاناسى اتالادى. ءبىزدىڭ تاۋەلسىز قازاقستان جانە 1991 جىلدان كەيىن ومىرگە كەلگەن ءبىزدىڭ بۋىن وسىعان لايىقپىز دەپ ەسەپتەيمىز. ءبىز استانا اتاۋىنىڭ اۋىستىرىلۋىن قولدايمىز», - دەپ جازىلعان وڭىردەگى ستۋدەنتتەر ۇجىمدارىنىڭ ۇندەۋىندە.
باقىتگۇل باباش,
«Egemen Qazaqstan»
اتىراۋ
