بۋىرقانعان بوياۋلار
قازاقباي اجىبەك ۇلى – حالىقتىڭ مادەني تۇتاستىعىن پاش ەتۋگە تىرىسىپ, اقيقات تاريحتى جازاتىن, ەڭبەكتەرى بىزگە وتكەن شاقتىڭ بەلگىلەرىن ەسكە سالاتىن, وسى شاقتا ءومىر سۇرەتىن جانە باعدار بەرەتىن سۋرەتشى. ونىڭ وبرازدى الەمىندە ءوز حالقىنىڭ رۋحىنىڭ ۇلىلىعى, شىعارماشىلىعىندا تابيعاتتاعى, اڭىزدارداعى, داستۇرلەردەگى, مۋزىكاسى مەن پوەزياسىنداعى دالانىڭ بارلىق مادەني تاريحى كورىنىس تابادى.
قازاقباي اجىبەك ۇلى – حالىقتىڭ مادەني تۇتاستىعىن پاش ەتۋگە تىرىسىپ, اقيقات تاريحتى جازاتىن, ەڭبەكتەرى بىزگە وتكەن شاقتىڭ بەلگىلەرىن ەسكە سالاتىن, وسى شاقتا ءومىر سۇرەتىن جانە باعدار بەرەتىن سۋرەتشى. ونىڭ وبرازدى الەمىندە ءوز حالقىنىڭ رۋحىنىڭ ۇلىلىعى, شىعارماشىلىعىندا تابيعاتتاعى, اڭىزدارداعى, داستۇرلەردەگى, مۋزىكاسى مەن پوەزياسىنداعى دالانىڭ بارلىق مادەني تاريحى كورىنىس تابادى.
«قازىرگىدەي قۇبىلمالى زاماندا, تاۋەلسىز قازاقستاننىڭ مادەنيەتىنىڭ ۇلتتىق يدەياسىن قالىپتاستىرۋدا ماڭىزدى ءرول اتقاراتىن ماڭگىلىك قۇندىلىقتارعا ءمان بەرگەن دۇرىس» دەپ سانايتىن ونىڭ پەيزاجدارىندا وتان تاقىرىبى الىپ كۇش-قۋاتقا تولى.
قازاقباي اجىبەك ۇلىنىڭ ءاربىر شىعارماسىندا سۋرەتشىنىڭ عانا ەمەس, ءاربىر قازاقتىڭ جانى بار. ونىڭ «التىن دالا», «قىز جىبەك», «سارى ارقا», «كوشپەندىلەر», «قۇرىلتاي», «قوش», «اتامۇرا», «كوبىزشى» شىعارمالارى ەشكىمدى, اسىرەسە, قازاق ازاماتىن نەمقۇرايلى قالدىرعان ەمەس.
ق. اجىبەك ۇلى تۋدىرعان كەسكىندەمەلىك بەينەلەر, بايىرعى زامانداردا بولعانمەن, ونىڭ شىعارمالارىندا ومىرشەڭدىگىن دالەلدەپ وتىرادى. ال ونىڭ تۋىندىلارىنىڭ بار بايلىعى بولىپ كەلەتىن ايەلدەردىڭ اشەكەي زاتتارى, كيىمدەرى, كىلەمدەر, كيىز ءۇي جابدىقتارى تەك قانا تۇرمىستىق زاتتار ەمەس. ولار كوشپەندىلەردىڭ الەم قۇرىلىسى جونىندەگى تۇسىنىكتەرىنىڭ ۇيلەسىمدىلىگى. ول ارعى اتا-بابالارىمىزدىڭ الەمتانۋداعى سەزىم-تۇسىنىكتەرىنە بوي بەرۋمەن بىرگە, ءوز شىعارمالارى ارقىلى جوعالىپ كەتكەن العاشقى ءمولدىر سەزىمدەردى, تازالىقتى, دانالىقتى ىزدەيدى.
ونىڭ جۇمىستارى ءا.قاستەەۆ اتىنداعى مەملەكەتتىك بەينەلەۋ ونەرى مۋزەيىندە, قر تۇڭعىش پرەزيدەنتىنىڭ مۋزەيىندە, «اقوردا» پرەزيدەنت رەزيدەنتسياسىندا, گ.ايتيەۆ اتىنداعى قىرعىز ۇلتتىق بەينەلەۋ ونەرى مۋزەيىندە جانە ءتۇرلى ەلدەردەگى جەكە كوللەكتسيالاردا ساقتالعان.
ءلايلا ەدىلقىزى,
«ەگەمەن قازاقستان».
