حالقىمىزدا «جەتى اتاسىن بىلمەيتىن ەر جەتەسىز, جەتى عاسىر تاريحىن بىلمەيتىن ەل جەتەسىز», دەگەن ۇلاعاتتى ءسوز بار. تاريح – بۇل حالىقتىڭ بۇگىنى مەن بولاشاعىن ايقىندايتىن بىردەن-ءبىر ماڭىزدى كورسەتكىش. ءار حالىقتىڭ ماڭدايىنا بىتكەن تاعدىرلى جولى وسى تاريح قويناۋىنان تامىر تارتادى. سوندىقتان دا ءتول تاريحىن ۇلىقتاپ, اتا-بابالار سالعان سارا جولدى ۇستانعان حالىق قانا كەمەل كەلەشەككە نىق سەنىممەن قادام باسارى انىق.
بابالار مۇراتىن جالعاستىرىپ, ەل اماناتىن ارقالاپ كەلە جاتقان ەلباسىمىز ن.ءا. نازارباەۆتىڭ « ۇلى دالانىڭ جەتى قىرى» ماقالاسى, ەڭ الدىمەن بولاشاق ۇرپاقتىڭ تاربيەسىنە باعىتتالىپ وتىر.
ماقالا «رۋحاني جاڭعىرۋ» باعدارلاماسىنىڭ جالعاسى بولىپ تابىلادى. ول «ۇلت تاريحىنداعى كەڭىستىك پەن ۋاقىت», «تاريحي سانانى جاڭعىرتۋ» اتتى بولىمدەردەن تۇرادى. پرەزيدەنت بۇل جولى ۇلتتىق بولمىسىمىزدى ساقتاپ, تاريحىمىزدى جاڭعىرتۋ جايىنا كەڭىنەن توقتالىپ, جاس بۋىندى ۇلتتىق تاربيەمەن سۋسىنداتۋ كەرەكتىگىن ايتقان. ۇلت قاھارماندارىن ۇلگى تۇتۋ ءۇردىسىن قالىپتاستىرۋعا جول اشاتىن ساپالى بالالار فيلمدەرى مەن مۋلتيپليكاتسيالىق سەريالداردى اسا قاجەت ەتەتىن وسكەلەڭ ۇرپاقتىڭ دا تالعامىنا ەرەكشە نازار اۋدارۋ كەرەك ەكەندىگىن, ءبىزدىڭ داڭقتى باتىرلارىمىز, ويشىلدارىمىز بەن ەل بيلەۋشىلەرىمىز تەك قازاقستان عانا ەمەس, سونداي-اق بۇكىل əلەم بويىنشا ەلىكتەۋگە لايىقتى تۇلعالار ەكەندىگىن ەلباسى تىلگە تيەك ەتكەن.
بۇل ماقالادا تەرەڭ وي, ۇلتتىق قۇندىلىقتاردى باعالاي ءبىلۋ, حالىق الەۋەتىنە زور سەنىم, ەرىك-جىگەر مەن كۇش-قۋات كورىنىس تاپقان. ءار قازاقتى تولعاندىراتىن ءارى بولاشاقتا ءوزىنىڭ ۇلەسىن قوسۋعا جىگەرلەندىرەتىن, جاڭا دۇنيەتانىم مەن كوزقاراس قالىپتاستىرۋعا مول مۇمكىندىك اشىلىپ وتىر.
ەندىگى كەزدە, اتا ءداستۇردى جالعاستىرۋ سالت-سانانى, قازاقتىڭ قولونەرىن تۇلەتۋدىڭ, قانمەن كەلگەن قاسيەتكە دەگەن ادالدىققا بەرىك بولۋدىڭ بىردەن-ءبىر جولى دەپ بىلەمىن.
ءبىزدىڭ بابالارىمىز بىلىمگە, ونەرگە جاقىن بولعان, اسىرەسە ءان-جىرلار, اڭىز-اڭگىمەلەر, ەپوستار مەن ەرتەگىلەر ارقىلى ۇرپاقتارىنا تاربيە بەرگەن. سال-سەرىلەر مەن اقىن-جىراۋلاردىڭ ونەرلەرىنىڭ بۇگىنگى كۇنگە دەيىن جەتۋى سونىڭ ايعاعى. جاستايىنان بالالاردى اتقا ءۇيىر قىلىپ, بايگەگە قاتىستىرعان. توي-جيىنداردا, اس جانە باسقا دا شارالاردا وتكىزىلەتىن قازاقتىڭ ۇلتتىق ويىندارى ءبىزدى ءالى كۇنگە دەيىن باسقا ەلدەردەن ەرەكشەلەندىرىپ تۇراتىنى ءارى ءمانى مەن ماڭىزى زور ەكەندىگى ءمالىم.
بالالاردى ەپتى, ونەرلى, شەبەر ەتىپ تاربيەلەۋدىڭ ماڭىزى زور. قازاقتا «اۋىزىمەن قۇس تىستەگەن», دەپ جۇيرىك ات پەن سول اتتى ەپتى مەڭگەرگەن شاباندوز بالانى ايتىپ ماقتان تۇتاتىن. ال قىزداردىڭ تاربيەسى وتباسىندا ەرەكشە ورىن العاندىعى تاريحتان بەلگىلى. انالاردىڭ قىز بالانىڭ تاربيەسىنە وتە ۇلكەن كوڭىل ءبولۋىنىڭ, قىزداردى بولاشاق جار, انا, شاڭىراقتىڭ شىراقشىسى ەتىپ تاربيەلەۋدىڭ ماڭىزى زور.
اتا-بابالارىمىزدىڭ عاسىرلار بويى جيناقتالعان تاجىربيەسىن ۇرپاقتان-ۇرپاققا جەتكىزۋ, ءبىر جۇيەگە ءتۇسىرۋ, توپتارعا جىكتەي وتىرىپ زەرتتەۋ تۋرالى ەلباسىنىڭ ماقالاسىندا ورىندى ايتىلعان.
ءبىز وسى ماقالادا كوتەرىلگەن ماسەلەلەردى شەشۋگە قانداي ۇلەس قوسا الامىز دەگەن سۇراق ءبارىمىزدى تولعاندىرۋى كەرەك. حالىقتىڭ تاريحي ساناسىن جاڭعىرتۋعا, ياعني جاستارعا ۇلتتىق تاريحتىڭ ماڭىزدىلىعىن تەرەڭ وقىتۋعا ىقپال ەتۋىمىز قاجەت. ماقالاداعى ۇسىنىستاردى جۇزەگە اسىرساق, وندا ءوز ۇلتىمىزدىڭ, ءتىلىمىزدىڭ, ءدىنىمىزدىڭ, اتا-بابالارىمىزدىڭ تاريحىن ساقتاي وتىرىپ باسقالاردان كەم بولمايمىز.
«وتكەندى بىلمەي, بولاشاقتى بولجاۋ مۇمكىن ەمەس» دەگەن حالىق دانالىعى بار. ەڭ باستىسى, تاريحي ساناسى نىعايعان ەل عانا باسەكەگە قابىلەتتى بولاتىنىن ەسكەرىپ, قازاقستانداي اسا قۋاتتى, مىزعىمايتىن مەملەكەتتىڭ مارتەبەسىن بيىكتەتە بەرۋدىڭ ماڭىزدىلىعىن حالىقتىڭ زەردەسىنە ءسىڭىرۋىمىز قاجەت.
دينار نوكەتاەۆا,
پارلامەنت سەناتىنىڭ دەپۋتاتى
