«بۇگىن ءبىز مەدەۋ شاتقالىنداعى ۇلكەن كورپوراتيۆتە وتكەن جىلعا ەسەپ بەرىپ, ۇزدىك قىزمەتكەرلەرىمىزدى ماراپاتتاپ, 2019 جىلدى ەرەكشە قارسى الۋعا شەشىم قابىلدادىق. مۇنداي كورپوراتيۆ ءبىزدىڭ بانكتىڭ يدەولوگياسىمەن تولىق ۇيلەسەدى. شاھارىمىزدىڭ كەرەمەت تورىندە ۇجىم بولىپ ءبىر كىسىدەي ساف اۋادا كونكي تەۋىپ, سپورتتى دا ناسيحاتتاپ, ايتا-ايتا جۇرەرلىكتەي تاماشا دەمالىستى وتكەرىپ ءجۇرمىز. ەڭ باستىسى, ءوز ءومىرىمىزدى جاقسارتىپ قانا قويماي, بالالارىمىزدىڭ الاڭسىز كەلەشەگىن قامتاماسىز ەتىپ, كەڭ ءارى ادەمى ۇيلەر مەن پاتەرلەردىڭ يەسى اتانامىز دەسەك, قۇندىلىقتار جۇيەسىن وزگەرتۋ كەرەك. ءارى مۇنى ۇدايى ايتىپ وتىرامىز. ماسەلەن قازىر قوعامدا بەلەڭ الىپ تۇرعان ءبىر مەزەتتىك تۇتىنۋشىلىق يدەولوگياعا قارسىلىق رەتىندە ۇزاقمەرزىمدى جيناق مادەنيەتىن قالىپتاستىرىپ, دامىتۋ قاجەت. سوندىقتان وسىعان الدىمەن ءوزىمىز ۇلگى بولىپ, ارتىق شىعىنسىز-اق مەرەكە اتاپ ءوتىپ, كوڭىل كوتەرۋگە بولاتىنىن دالەلدەيىك دەپ شەشىم قابىلدادىق», – دەيدى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
تۇرعىن ءۇي قۇرىلىس جيناق بانكىنىڭ مەيرامىنا تەك قىزمەتكەرلەر عانا ەمەس, وسى كۇنى مەدەۋگە كونكي تەبۋگە كەلگەن الماتى تۇرعىندارى مەن قوناقتارى دا قاتىستى. جينالعان مەيماندار ءۇشىن مۇز ايدىنىندا ««Medeo band» مۋزىكا توبى ونەر كورسەتتى. سونداي-اق قىزىقتى بايقاۋلار ۇيىمداستىرىلدى. شارا سوڭىندا «تۇرعىن ءۇي قۇرىلىس جيناق بانكى اياز اتاسى» اتتى اسەرلى فلەشموب ۇيىمداستىرىلدى.
«تۇرعىن ءۇي قۇرىلىس جيناق بانكى – قاساڭ مەملەكەتتىك قۇرىلىم دەگەن ويدى وزگەرتكىمىز كەلەدى. 2018 جىل بويى ءبىز كليەنتتەرمەن جانە جالپى قوعاممەن ديالوگ جۇرگىزۋدىڭ جاڭا ءارى ەرەكشە فورمالارىن قۇرۋ بويىنشا جۇمىس جۇرگىزدىك», – دەيدى ءلاززات يبراگيموۆا.
