اۋرۋحانا قىزمەتكەرلەرى «دارىگەر ناۋقاستى تەك دارىمەن ەمدەمەي, قايىرىمدىلىق ىسىمەن دە ۇلگى-ونەگە كورسەتە ءجۇرىپ, كومەكتەسۋى كەرەك» دەگەن قاعيدانى بەرىك ۇستانادى. «بۇرىن ءبىز دونور كۇنىن جاريالاپ, تۇرعىنداردى, مەكەمە ۇجىمدارىن قان تاپسىرۋعا شاقىرىپ كەلتىرە المايتىنبىز. مۇنىڭ وڭ شەشىمى – وزگەلەرگە ونەگە كورسەتۋ, دەپ شەشتىك. وسى يگى ءىستى قولعا العالى بەرى ارەكەتىمىزدى قۇپتاپ, اۋداندىق پوليتسيا قىزمەتكەرلەرى ءبىز سياقتى ۇجىم بولىپ كەلىپ قان تاپسىرۋدى داعدىعا اينالدىردى. باسقا مەكەمەلەر مەن اۋىل تۇرعىندارى دا سۇرانىپ ءجۇر. جاڭا جىل مەرەكەسىنەن كەيىن تاعى دا ۇيىمداستىرۋدى جوسپارلاپ وتىرمىز», – دەيدى باس دارىگەر.
ەڭ الدىمەن مەديتسينا ماماندارى بۇلجىماس تالاپ بويىنشا قان تاپسىرۋدى نيەت ەتكەن ادامنان سىناما الادى. گۇلداريا ادىلدابەكقىزىنىڭ ايتۋىنشا, بۇل دونوردىڭ دەنساۋلىعىن تەكسەرتۋىنە ءتيىمدى ءتاسىل. بەس بىردەي قان تالداۋىن تەگىن الادى. اعزاداعى قانتتىڭ نورماسى, حولەستەريننىڭ دەڭگەيى, تاعى باسقا دەرەكتەر سول مەزەتتە انىقتالادى. ەكىنشىدەن, قان بەرگەن ازاماتتىڭ اعزاسى جاسارىپ, دەنساۋلىعى جاقسارادى. ۇشىنشىدەن, بۇل قان قاجەت بولعان پاتسيەنتتەرگە جاسالعان ازاماتتىق ۇلكەن كومەك, ساۋاپتى ءىس. مەديتسينا قىزمەتكەرلەرىنىڭ ۇلگىسى وڭ اسەر ەتىپ, بۇگىندە قايىرىمدىلىققا جاقىن بايدىبەكتىكتەر قان تاپسىرۋ ءۇشىن امبۋلاتوريالاردىڭ دارىگەرلەرىن ءجيى مازالايتىن بولعان.
عالىمجان ەلشىباي,
«ەگەمەن قازاقستان»
تۇركىستان وبلىسى
