ساياسي قۇرىلىمنىڭ توراعاسى, ايماق باسشىسى قۇمار اقساقالوۆ وڭىردە 26 وبلىستىق, 175 اۋداندىق ەتنومادەني ۇيىمدار قاتارىنا 5 مىڭعا جۋىق بەلسەندىنىڭ تارتىلعانىن, ولاردىڭ باستى مۇراتى ۇلتارالىق, كونفەسسياارالىق ىنتىماقتى, بىرلىكتى نىعايتۋ بولىپ بولىپ تابىلاتىنىن اتاپ كورسەتتى.
«كەلەسى جىلى اسسامبلەياعا بولىنەتىن قاراجات ەكى ەسەگە ۇلعايادى. 2019 جىل وزبەكستاندا قازاقستان جىلى دەپ جاريالاندى. وسىعان وراي ايماقتا وزبەك مادەني بىرلەستىگى ءوز جۇمىسىن باستايتىن بولادى», دەدى قۇمار ىرگەباي ۇلى.
جەرگىلىكتى اسسامبلەيا وزگە ەلدەردە تۇراتىن قانداستارىمىزبەن دە تىعىز قارىم-قاتىناس ورناتقان. بۇل تۋرالى قورعان وبلىسى قازاق ۇلتتىق-مادەني اۆتونومياسىنىڭ توراعاسى قايرات ورالوۆ ايتىپ بەردى. قورعان وبلىسىن مەكەندەيتىن 14 مىڭعا جۋىق اعايىنىمىز ۇلتتىق سالت ءداستۇردى بەرىك ۇستانادى. سىرتتا جۇرسە دە اتا-بابا جەرىن ۇمىتپايدى. قازاقستاندى ماقتان تۇتادى.
«دۋسلىك» تاتار – باشقۇرت ەنتومادەني ورتالىعىنىڭ جەتەكشىسى نايل ابراەۆ الداعى جوسپارلارىمەن ءبولىستى. كەلەسى جىلى قوعامنىڭ قۇرىلعانىنا 30 جىل تولادى. وعان دايىندىق شارالارى قازىردەن باستالىپ كەتكەن.
سەسسيادا وبلىستىق قازاقستان حالقى اسسامبلەياسى توراعاسىنىڭ قوعامدىق نەگىزدەگى ورىنباسارى سايلاندى. بۇل قىزمەتتى "سومونيەن سەۆەر» تاجىك بىرلەستىگىنىڭ جەتەكشىسى انۆارشوح اميرشوەۆ اتقاراتىن بولادى. مادەني ورتالىقتاردىڭ بىرقاتار وكىلىنە ماراپات تاپسىرىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
