بۇل يدەيا - Lives’talk توبىنىڭ كوشباسشىسى يۋن يانگچەنگە تيەسىلى. ول قازاقستاندىق فەرمەرلەردىڭ كۇندەلىكتى شارۋاسىن قيىنداتاتىن بۇل پروبلەمانى ەكى جىل بۇرىن انىقتاعان بولاتىن.
«شوپاندارعا جوعالعان مالدارىن الىستاعى تاۋ-تاستاردان 5-6 ساعات بويى ىزدەۋگە تۋرا كەلەدى! بۇل ويعا سىيعىسىز بەينەت!» – دەيدى يانگچەن.
كورەيلىك مامان فەرمەرلەرگە كومەكتەسۋ جولىن ىزدەپ, تاپتى. يدەيا نەگىزى زاماناۋي تەحنولوگيانى پايدالانۋدان تۇردى – تاراتۋشىسى بار مويىن بايلاۋ, قابىلداعىش پەن سمارتفون.
جانۋارعا بايلانعان تاراتقىش, ونىڭ تۇرعان ناقتى ورنى تۋرالى مالىمەتتى فەرمەردەگى قابىلداعىشقا جىبەرەدى جانە Bluetooth ارقىلى اقپارات موبيلدىك قۇرىلعىعا تۇسەدى.
Lives’talk توبى ءوز جوباسىن, 1865 ستارتاپەرلەر توپتارى باسەكەلەسكەن Samsung Tomorrow Solution بايقاۋىنا ۇسىندى. Samsung Tomorrow Solution – بۇل 2013 جىلدان باستاپ 7000 كوماندا جانە 30 000-نان استام قاتىسۋشى جارىسقان, الەۋمەتتىك باستامالار بايقاۋى. قازىرگى تاڭدا Samsung Electronics جالپى سوماسى ميلليارد كورەيلىك ۆونعا جۋىق قاراجاتتى ($900,000) Samsung Tomorrow Solution بايقاۋىنىڭ 40 جەڭىمپازىنا سىيلاپ, ودان ءارى يدەيالاردى جۇزەگە اسىرۋدا جان-جاقتى قولداۋ كورسەتتى.
يانگچەن توبى بۇل بايقاۋدا ءبىرىنشى ورىندى يەلەندى! ال بۇل ءوز كەزەگىندە, شامامەن ەكى مىڭنان استام كەيستەر ىشىندە, قازاقستانداعى مال شارۋاشىلىعى سالاسىنداعى ماسەلەلەر Samsung شتاب-كۆارتيراسىنىڭ نازارىنان تىس قالمادى دەگەندى بىلدىرەدى.
كومپانيا جوبانى جۇزەگە اسىرۋدا, قاراجات جاعىنان قوماقتى قولداۋ كورسەتۋدە – اعىمداعى جىلى جوبا شىعىندارىنا 300 000 اقش دوللارى جۇمسالسا, كەلەر جىلى 500 000 دوللار بولىنبەك. جىل بويى Lives’talk توبىنا تەحنيكالىق جاعىنان Samsung C-Lab قىزمەتكەرلەرى كومەك بەرەدى.
ازىرگە ءپروتوتيپتىڭ وزىندىك قۇنى 10 مال باسىنا تولىق قۇرىلعىسى 700 دوللار تۇرادى. ستارتاپەرلەر ءونىمنىڭ سوڭعى شىعارىلىمىنا دەيىن بۇل شىعىنداردى 300 دوللارعا دەيىن تومەندەتپەك جانە دە جوبانى الەمدىك بانك پەن ازيالىق دامۋ بانكىنەن سۋبسيديالار الۋ مۇمكىندىگىن كوزدەپ وتىر.
تاراتۋ قۇرىلعىسى, ءاربىر 10 سەكۋند سايىن اقپارات تاراتۋ جيىلىگىندە, ءۇش كۇنگە دەيىن قىزمەت ەتەدى. قىزمەت كورسەتۋ راديۋسى – 5-6 كيلومەتر. قابىلداعىش قۇرىلعى ءبىر مەزەتتە 1600 تاراتۋشى قۇرىلعىدان اقپارات قابىلداي الادى. بىراق, بۇل باستاپقى عانا سيپاتتاماسى.
ء«بىز قۇرىلعىنى تەكسەرۋدەن وتكىزىپ جاتىرمىز. تولىقتىرۋدى تالاپ ەتەتىن فۋنكتسيالارى بار. ماسەلەن, پايدالانۋ تالاپتارىنا ساي جۇمىس ىستەۋ مەرزىمىن ەكى-ءۇش اپتاعا سوزۋ كەرەك. سوڭعى ءونىم ءتۇرىن, كەلەسى جىلدىڭ كوكتەم مەزگىلىندە ۇسىنۋدى جوسپارلاپ وتىرمىز», – دەيدى يانگچەن.
ءوز سوزىنەن, 2019 جىلعا جوسپار كەلەسىدەي: جاڭا ءونىمدى قازاقستاننىڭ وڭتۇستىك وڭىرىندەگى مىڭجىلقى جانە قىزىلوردا جەرلەرىندە 50 مال شارۋاشىلىقتارىندا تەستىلەۋ. كەلەسى كەزەڭدە تاعى بىرنەشە اۋداندار قامىلاتىن بولادى.
يانگچەننىڭ ايتۋىنشا, قۇرىلعى تەستىلەۋدەن ءوتىپ جاتقان جەر, مىڭجىلقى تابيعاتى, وزىندىك سانىمەن تاڭ قالدىرعان ەكەن.
يانگچەن: «بۇل جەردىڭ كەرەمەت تاۋلارى مەن ورماندارى اراسىندا, الەمدى قازىرگىدەن دە جاقسىراق ەتۋگە قۇشتارلىعىڭ ويانادى ەكەن!», – دەپ وي ءتۇيدى.
