جوعارى تالعاممەن توپتاستىرىلعان كونتسەرتتىك باعدارلامادا الەمدىك كلاسسيكالىق مۋزىكانىڭ التىن قورىنا ەنگەن تۋىندىلار مەن ۇلتتىق ونەرىمىزدىڭ جاۋھارلارى شەبەر ۇيلەستىرىلدى. سيمفونيالىق وركەستردىڭ سۇيەمەلدەۋىمەن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ تانىمال سوليستەرى مەن وپەرا جۇلدىزدارى الەمنىڭ ەڭ ۇزدىك كومپوزيتورلارىنىڭ تۋىندىلارىن ورىندادى. وسى كەشتىڭ باستى قوناعى – ايگىلى يتاليالىق تەنور, 2014 جىلى دوحادا «جاڭا بۋىن» اتالىمى بويىنشا «Oscar Della Lirica» جۇلدەسىنىڭ يەگەرى اتانعان ۆينچەنتسو كوستانتسونىڭ دا ونەرى كەرەمەت اسەر قالدىردى.
ەكى كۇنگە سوزىلعان كونتسەرت بارىسىندا كوكتوبەدە احمەت جۇبانوۆ, لاتيف حاميدي, پەتر چايكوۆسكي, شارل گۋنو, لەو دەليب, تومازو البينوني, دجاكامو پۋچچيني, گاەتانو دونيتسەتتي, دجۋزەپپە ۆەردي, فرانتس لەگار, دجاوككينو روسسيني, جورج بيزەنىڭ تاماشا تۋىندىلارى مەن قازاقتىڭ حالىق اندەرى شىرقالدى. اتاقتى ديريجەر, قازاقستان رەسپۋبليكاسىنىӊ ەӊبەك سىӊىرگەن ءارتىسى الان بورىباەۆتىӊ جەتەكشىلىگىمەن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىӊ سيمفونيالىق وركەسترى الەمدىك كلاسسيكالىق مۋزىكا ونەرىنىڭ شىعارمالارىن وتە شەبەر ورىندادى.
عالىم سۇلەيمەن,
«ەگەمەن قازاقستان»
الماتى
