سالتاناتى شاراعا وبلىس اكىمى ە.توعجانوۆ, پوليتسيا ارداگەرلەرى, دەپارتامەنتتىڭ بارلىق جەكە قۇرامى جانە باسقا دا قوناقتار قاتىستى.
بىرقاتار ءتارتىپ ساقشىلارى ايماق باسشىسىنىڭ العىسى حاتىنا يە بولسا, 4 پوليتسيا قىزمەتكەرىنە وتباسىمەن دەمالۋعا تۋريستىك جولداما, قىزمەتكەرلەردىڭ بالالارى ءۇشىن جازعى لاگەرگە 45 جولداما بەرىلدى.
ماڭعىستاۋ وبلىسى ءىىد باستىعى پوليتسيا پولكوۆنيگى ق. تايمەردەنوۆ سالتاناتتى شاراعا قاتىسىپ وتىرعان جەكە قۇرامدى, بارلىق پوليتسيا ارداگەرلەرىن مەرەكەلەرىمەن قۇتتىقتاپ, ولاردىڭ جاساعان ۇزاق جىلعى قىزمەتى ءۇشىن العىسىن ءبىلدىردى. پوليتسيا باسشىسى وبلىستىڭ دەپارتامەنتىنىڭ ماتەريالدىق-تەحنيكالىق بازاسىن نىعايتۋ جولىندا كوپتەگەن جۇمىستار اتقارىلعانىن اتاپ ءوتتى.
«وبلىس اكىمدىگىنىڭ قولداۋىمەن اۆتوپارك جىل سايىن جاڭارتىلۋدا, جاڭا قۇرال-جابدىقتار الىنۋدا, ىشكى ىستەر ورگاندارىنىڭ قىزمەتكەرلەرى ءۇشىن پاتەر كىلتى تابىستالۋدا. ء تارتىپ ساقشىلارى ازاماتتاردىڭ تىنىشتىعى ءۇشىن بار كۇشتەرىن سالۋدا. بىزدەر اسكەري مىندەتىن وتەۋ كەزىندە قازا بولعانداردى ۇمىتپايمىز», دەپ اتاپ ءوتتى ول.
سالتاناتتى جاعدايدا قر ءىىم-ءنىڭ بۇيرىعىمەن قىلمىسپەن كۇرەستە جانە جەدەل قىزمەتتە جوعارى كورسەتكىشتەرى ءۇشىن پوليتسيا قىزمەتكەرلەرى مەدالمەن, گراموتالارمەن ماراپاتتالدى. سونداي-اق, «ىشكى ىستەر مينيسترلىگىنىڭ قۇرمەتتى ارداگەرى» توسبەلگىسىمەن ۆ.ششەرباك, د.سارعوجاەۆ ماراپاتتالسا, ء ىىد جپق ءبولىمىنىڭ باستىعى م.دايحانباەۆقا پوليتسيا پولكوۆنيگى اتاعى بەرىلدى, «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن پوليتسيا پولكوۆنيگى م.سەراليەۆ; II دارەجەلى «ىشكى ىستەر ورگاندارىنىڭ ۇزدىگى» توسبەلگىسىمەن پوليتسيا مايورى ا.كورەنسكيح, پوليتسيا كاپيتانى ۆ.اۆانەسيان, اعا لەيتەنانت ە.امانقوس ۇلى, قر ءىىم قۇرمەت گراموتاسىمەن پوليتسيا مايورى ە.بالعاباەۆ, قر ءىىم گراموتاسىمەن پوليتسيا كاپيتانى ب.كۋزەنباەۆ جانە تاعى باسقالار ماراپاتتالدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
