«بۇگىندە گراففيتي – بەيرەسمي ونەر عانا ەمەس, تۇتاستاي مادەني ءبىر باعىت. ءبىر كەزدەرى وسىنداي سۋرەتتەر زاڭسىز بولىپ سانالعان, ال ەندى ولاردى نيۋ-يورك, لوندون, پاريج, ماسكەۋ سەكىلدى الەمنىڭ ءىرى قالالارىندا تاريحي عيماراتتاردىڭ قاسبەتتەرىنەن كورە الامىز. بۇل سۋرەتتەر استانانى اجارلاندىرا تۇسپەك», دەدى استانا قالاسىنىڭ مادەنيەت جانە سپورت باسقارماسىنىڭ باسشىسى بولات ماجاعۇلوۆ.
ASTANA Street Art جوباسىنا قاتىساتىن سۋرەتشىلەر شاعىن باللونداردى, سونداي-اق ءداستۇرلى قاسبەتتىك بوياۋلاردى پايدالانادى. بۇل جاي گراففيتي ەمەس, ناعىز ونەر. سۋرەتشىلەر ءوز ەڭبەكتەرىن استانانىڭ 20 جىلدىعىنا ارناپ, شىعارماشىلىقتارى ارقىلى جەرگىلىكتى تۇرعىندارعا قۋانىش سىيلاماق.
«جاس سۋرەتشىلەر ءۇشىن بۇل – ۇلكەن تاجىريبە. بۇل رەتتە كەنەپتىڭ ورنىنا قالالىق عيماراتتاردىڭ قاسبەتتەرىن پايدالانۋ – ەلەس-قيالىڭا ەرىك بەرىپ, قالاعانىڭدى سالۋعا مۇمكىندىك بەرەدى ءارى ءوز سۋرەتىڭنىڭ استانانىڭ كوركىن كەلتىرىپ, قالا تۇرعىندارىنا قۋانىش سىيلايتىنىن بىلەسىڭ», دەدى «قۇلانشى» قازىرگى زامانعى ونەر ورتالىعىنىڭ ارت-ديرەكتورى ايگۇل تەگجانوۆا.
جۇمىستاردىڭ باسىم بولىگىنەن قازاق حالقىنىڭ ەرەكشەلىگىن بايقاۋعا بولادى. مىسالى, كەنەسارى كوشەسىندەگى №63 ۇيدە كيىز ءۇيدىڭ جانىندا تۇرعان قازاق قىزى بەينەلەنگەن. كارتينا «ىقىلاس» دەپ اتالادى.
قولىنا قىزعالداق ۇستاعان ۇلتتىق كيىمدەگى قىز رەسپۋبليكا داڭعىلى, 34/2 مەكەنجايىندا ورنالاسقان ۇيدە سالىندى.
قازاق مادەنيەتىندە جىلقى مارتتىكتىڭ, ادالدىقتىڭ, سۇلۋلىق پەن اقىلدىلىقتىڭ بەلگىسى بولىپ تابىلادى. اباي داڭعىلىنداعى 67-ءشى ۇيدە جارقىراعان اي مەن جىلقىنىڭ باسى بەينەلەنگەن.
كۇيشى دينا كوشەسىندەگى 15-ءشى ءۇيدىڭ قابىرعاسىنان بايگەنىڭ سۋرەتىن كورۋگە بولادى. بۇل سۋرەتتەگى بارلىق ەموتسيا پىشىندەر مەن تۇستەردىڭ ەكسپرەسسياسى ارقىلى جەتكىزىلەدى.
باراەۆ كوشەسىندەگى 6/1 ءنومىرلى عيماراتتان ەرەكشە كارتينانى تاماشالاۋعا بولادى. 3D اسەرىمەن سالىنعان سۋرەتتە مەگاپوليستەگى ءومىر بەينەلەنگەن.
«ەگەمەن-اقپارات»
