ەكسپەديتسيا مۇشەلەرى اۋەلى سەمەي قالاسىنداعى قازاق يننوۆاتسيالىق-گۋمانيتارلىق زاڭ ۋنيۆەرسيتەتىندە قازاقستان رەسپۋبليكاسى پرەزيدەنتى جانىنداعى «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ ورتالىق ساراپتاما كەڭەسىنىڭ كوشپەلى ماجىلىسىنە قاتىستى.
ساراپتاما كەڭەسىنىڭ كوشپەلى ءماجىلىسى وڭىرلىك جوبالاۋ كەڭسەلەرى مەن ساراپشىلار قاۋىمداستىعى اراسىنداعى ءوزارا بايلانىستى جاقسارتۋعا, شىعىس قازاقستان وبلىسىندا باعدارلاما اياسىندا ىسكە اسىرىلاتىن جوبالاردىڭ ساپاسىن ارتتىرۋ بويىنشا ۇسىنىستاردى تالقىلاۋعا, سونىمەن قاتار ولكەتانۋ بويىنشا وقۋلىقتار ازىرلەۋ, باسپادان شىعارۋ, ماتەريالدىق جانە ماتەريالدىق ەمەس مادەني ەسكەرتكىشتەر رەەسترىن قالىپتاستىرۋ تاجىريبەسىن قولدانىسقا ەنگىزۋگە باعىتتالدى.
كوشپەلى ماجىلىسكە ەۇۋ پرورەكتورلارى ديحان قامزابەك ۇلى, سەرىكجان قاناەۆ پەن ەلتاڭبا اۆتورى جانداربەك مالىبەكوۆ, ءانشى, پروفەسسور كەنجەعالي مىرجىقباي, تاعى باسقا ساراپشى-عالىمدار, ءوڭىردىڭ عىلىمي-پەداگوگيكالىق قاۋىمى قاتىستى.
جيىندا شىعىس قازاقستان وبلىسى ىشكى ساياسات باسقارماسىنىڭ باسشىسى نەللي كراسنوباەۆا وڭىردە «رۋحاني جاڭعىرۋ» باعدارلاماسىنىڭ ورىندالۋ بارىسى تۋرالى باياندادى.
جيىنعا قاتىسقان زيالى قاۋىم «قازاقستاننىڭ كيەلى ورىندارىنىڭ گەوگرافياسى» رەسپۋبليكالىق جانە وڭىرلىك جوبالارى تۋرالى قۇندى ويلارىمەن ءبولىستى.
باياندامالاردى تالقىلاۋ بارىسىندا ساراپشىلار ساپالى جوبالاردى ىرىكتەۋ بويىنشا بىرنەشە ۇسىنىستار مەن ۇسىنىمدار بەردى. ولاردىڭ ىشىندە بەلگىلى عالىم اراپ ەسپەنبەتوۆ ابايدىڭ اكەسى قۇنانبايدىڭ ەسىمى «قازاقستاننىڭ كيەلى ورىندارىنىڭ گەوگرافياسى» رەسپۋبليكالىق جانە وڭىرلىك جوبالارىنىڭ تىزىمىنە ەنگىزىلمەي قالعانىن قىنجىلا ايتتى. سونداي-اق «رۋحاني جاڭعىرۋ» عىلىمي-زەرتتەۋ ينستيتۋتىنىڭ ديرەكتورى ەرلان ارىن, ەۇۋ عالىمدارى سەرىكزات دۇيسەنعازى مەن ەرلان سايلاۋباي ايتقان قۇندى ويلار مەن ماڭىزدى ماسەلەلەر دە كوپشىلىكتىڭ كوڭىلىنەن شىقتى.
كوشپەلى ءماجىلىس اياسىندا ەلتاڭبا اۆتورى جانداربەك مالىبەكوۆ ءسوز الىپ, قازاق يننوۆاتسيالىق-گۋمانيتارلىق زاڭ ۋنيۆەرسيتەتىنىڭ رەكتورى شىرىن قۇرمانباەۆاعا ەلتاڭبانىڭ جاڭا نۇسقاسىن تابىس ەتتى.
ساپار ءارى قاراي جالعاسىپ, استانالىق مەيمانداردى جارما اۋدانىنىڭ اكىمى نۇرلان سىدىقوۆ قارسى الىپ, اۋدانعا ات باسىن بۇرعان ەلتاڭبا اۆتورى جانداربەك مالىبەكوۆكە قازاقي داستۇرمەن تارتۋ-تارالعى جاسادى. ءارى قاراي ساپارىن جالعاستىرعان توپ جارمادان كەيىن اقسۋات اۋدانىنداعى جاڭادان سالىنعان «ىرعىزباي اۋليە» كەشەنىنە بۇرىلىپ, اۋەلى قۇران باعىشتاپ, اۋليە تۋرالى كىتاپتىڭ تۇساۋكەسەر راسىمىنە قاتىستى.
كىتاپتا ىرعىزباي دوسحانا ۇلىنىڭ عۇمىرى مەن زامانى تۋرالى تاريحي دەرەكتەر قالىپتاسقان كانوندىق زەرتتەۋلەردەن وزگەشە, ياعني جاڭاشا سيپاتتا بەرىلگەن. اۋليە زامانى تۋرالى سارالانعان ءتۇيىندى وي-تۇجىرىمدار تىڭ ءارى قىزىقتى جانە تياناقتى دالەلدەرىمەن تارتىمدى.
سونداي-اق اقسۋات اۋىلىندا «قازاق كۇرەسىنەن» ىرعىزباي دوسحانا ۇلى اتىنداعى VI حالىقارالىق تۋرنير جانە تارباعاتاي اۋدانىنىڭ ورتالىعىندا اقىندار ايتىسى ءوتتى.
بازاربەك تۇكىباي,
قازاقستان جازۋشىلار وداعىنىڭ مۇشەسى
استانا – سەمەي – قالباتاۋ – اقسۋات
