1972 جىلى جامبىل وبلىسىنىڭ ورتالىعىندا دۇنيەگە كەلگەن نۇركەن مازباەۆ ۇزاق جىلدار «تاراز» جانە ەلىمىزدىڭ باسقا دا كلۋبتارىندا ونەر كورسەتتى. 1996 جىلى اتالمىش كوماندا ساپىندا جانە 2000 جىلى استانانىڭ «جەڭىسىمەن» بىرگە قازاقستان بىرىنشىلىگىنىڭ باس جۇلدەسىن ولجالادى. قازاقستان ۇلتتىق قۇراماسى ساپىندا 13 كەزدەسۋ وتكىزىپ, قارسىلاستار قاقپاسىن ەكى مارتە ءدال كوزدەدى.
سونىمەن قاتار «تاراز» كلۋبىنىڭ سپورتتىق ديرەكتورى قىزمەتىنە ازامات نيازىمبەتوۆتىڭ تاعايىندالعانىن ايتا كەتەيىك. ول دا اۋليە اتا ءوڭىرىنىڭ تۋماسى. ءوزىنىڭ سپورتتىق كارەراسىن رەسپۋبليكامىزدىڭ بىرقاتار كلۋبتارىندا وتكىزگەن ازامات جاسىل الاڭدا وزىندىك قولتاڭباسىمەن ەرەكشەلەندى. ەكى رەت ەل چەمپيونى اتانىپ, ەكى مارتە كۋبوكتى يەلەندى. بىرەر جىل قازاقستاننىڭ وليمپيالىق قۇراماسى مەن ۇلتتىق كوماندا ساپىندا ويناپ, سان مىڭ كورەرمەننىڭ كوزايىمىنا اينالدى.
عالىم سۇلەيمەن,
«ەگەمەن قازاقستان»
