وتكەن جىلى ساۋدا سالاسى ەلىمىزدىڭ جالپى ەكونوميكالىق ءوسىمىنىڭ 26%-ىن قامتاماسىز ەتىپ, ەكونوميكانىڭ نەگىزگى قوزعاۋشى كۇشتەرىنىڭ ءبىرى ەكەنىن تاعى ءبىر مارتە دالەلدەدى. ىشكى تاۋار اينالىمى 80 ترلن تەڭگەگە جەتتى. سالاعا 1,3 ترلن تەڭگە كولەمىندە ينۆەستيتسيا تارتىلدى. شيكىزاتتىق ەمەس ەكسپورت 41 ملرد دوللاردى قۇرادى. قىزمەتتەر ەكسپورتى 3,7%-عا ءوسىپ, 12,3 ملرد دوللارعا جەتتى.
س.جۇمانعاريننىڭ ايتۋىنشا, ساۋدا ءوندىرىس, بيزنەس جانە تۇتىنۋشى اراسىنداعى ءوزارا بايلانىستى قامتاماسىز ەتىپ, ەكونوميكانىڭ تۇراقتى دامۋىنا بەرىك نەگىز قالايدى.
ء«بىزدىڭ مىندەتىمىز – قول جەتكىزىلگەن قارقىندى ساقتاپ قانا قويماي, ساۋدا جۇيەسىن تيىمدىلىك پەن باسەكەگە قابىلەتتىلىكتىڭ جاڭا ساپالى دەڭگەيىنە كوتەرۋ. مينيسترلىك رەتتەۋشى ورگان رولىنەن بەلسەندى دامۋ درايۆەرىنە اينالۋعا ءتيىس. بۇل ءۇشىن كوتەرمە جانە بولشەك ساۋدا اينالىمىن ۇلعايتۋ, ىشكى نارىقتى وتاندىق تاۋارلارمەن تولىقتىرۋ, الەۋمەتتىك ماڭىزى بار ونىمدەردىڭ تۇراقتى جەتكىزىلۋىن قامتاماسىز ەتۋ, «وندىرۋشىدەن – سورەگە دەيىنگى» تىزبەكتى قىسقارتۋ, ەكسپورت كولەمىن ارتتىرۋ مەن ساۋدانى كولەڭكەلى اينالىمنان جۇيەلى تۇردە شىعارۋ قاجەت», دەدى ۆيتسە-پرەمەر.
بۇعان قوسا ەلدىڭ ۇزاقمەرزىمدى دامۋىنا ىقپال ەتەتىن قۇرىلىمدىق وزگەرىستەر مەن اۋقىمدى رەفورمالاردى ءتۇسىندىرۋ جۇمىستارىنىڭ ماڭىزدىلىعى دا اتاپ ءوتىلدى. القا وتىرىسىنا قاتىسۋشىلار جاڭا كونستيتۋتسيانى قابىلداۋ جونىندەگى رەفەرەندۋمعا بەلسەندى قاتىسۋعا شاقىرىلدى.
مەملەكەت باسشىسىنىڭ ينفلياتسيا دەڭگەيىن ەكونوميكالىق تۇرعىدان نەگىزدەلگەن شەككە دەيىن تومەندەتۋ جونىندەگى تاپسىرمالارىن ورىنداۋ ماقساتىندا ساۋدا جانە ينتەگراتسيا مينيسترلىگى مەن اۋىل شارۋاشىلىعى مينيسترلىگىنە قىسقا مەرزىم ىشىندە ىشكى نارىقتى وتاندىق ازىق-ت ۇلىك تاۋارلارىمەن تولىق قامتۋ بويىنشا ناقتى شارالار ازىرلەۋ مىندەتى جۇكتەلدى.
«بيىل ەكونوميكانىڭ ناقتى سەكتورىنداعى جوبالاردى قارجىلاندىرۋ ماقساتىندا «بايتەرەك» حولدينگىن 1 ترلن تەڭگەگە كاپيتالداندىرۋ كوزدەلىپ وتىر. ينۆەستيتسيالىق تاپسىرىس اياسىندا قازىر ەداۋىر كولەمدە يمپورتتالاتىن تاۋارلار ءوندىرىسىن كەڭەيتۋگە باعىتتالعان شامامەن 1,5 مىڭ جوبادان تۇراتىن الدىن الا ءتىزىم قالىپتاستىرىلدى. ونىڭ ىشىندە 500-دەن استامى اگروونەركاسىپتىك كەشەنگە, 400-دەن استامى وڭدەۋ ونەركاسىبىنە, قالعانى ينفراقۇرىلىم سالاسىنا تيەسىلى. ساۋدا جانە ينتەگراتسيا مينيسترلىگىنىڭ نەگىزگى مىندەتى – وسى جوبالار شەڭبەرىندە وندىرىلەتىن ءونىمنىڭ كەپىلدى ساتىلىمىن قامتاماسىز ەتۋ. بۇل – اۋقىمدى جۇمىس, سوندىقتان ونى جۇزەگە اسىرۋ تەتىكتەرىن قازىردەن باستاپ ناقتىلاۋ قاجەت», دەدى س.جۇمانعارين.
سونداي-اق وتاندىق وندىرۋشىلەردى قولداۋ, بيرجالىق ساۋدانى دامىتۋ, سالالىق ۇدەرىستەردى تسيفرلاندىرۋ مەن جوعارى قوسىلعان قۇنى بار ءونىم ەكسپورتىن ارتتىرۋ باعىتىنداعى مىندەتتەر دە ايقىندالدى.
