فوتو: اقوردا
پرەزيدەنتتىڭ ايتۋىنشا, ارحەولوگتار وسى كەزگە دەيىن بەيمالىم بولىپ كەلگەن ونداعان تيىن سارايىن تاپتى.
«مامانداردىڭ ايتۋىنشا, ناعىز ورلەۋ كەزەڭىندە التىن وردادا شامامەن 28 ميلليون كۇمىس تيىن سوعىلعان. قازىرگى تاڭدا مەملەكەتتىك جانە جەكە قورداعى سول داۋىرگە تيەسىلى تيىنداردىڭ جالپى سانى ءبىر ميلليونعا جەتەدى. قازاقستاننىڭ ۇلتتىق ۆاليۋتاسى – تەڭگە اتاۋى ۇلىستىڭ «دانگ» سوزىنەن تامىر تارتادى. «دەنگي» ءسوزىنىڭ ءتۇبىرى دە وسى ۇعىمنان تاراعان بولۋى مۇمكىن», دەدى پرەزيدەنت.
مەملەكەت باسشىسىنىڭ سوزىنشە, بۇعان جاي عانا لينگۆيستيكالىق سايكەستىك رەتىندە قاراۋعا بولمايدى. بۇل – كەڭ بايتاق ايماعىمىزدا پايدا بولعان اقشا جۇيەسىنىڭ التىن وردا زامانىندا جاسالعانىن كورسەتەتىن ناقتى دالەل.
«التىن وردا ۇلى جىبەك جولىنىڭ سولتۇستىك تارماعىن تۇگەل باقىلاۋدا ۇستاپ, دالانى قاۋىپسىز تاسىمال ءدالىزى رەتىندە دامىتتى. جوشى ۇلىسىنىڭ اۋماعى ارقىلى جىل سايىن مىڭداعان توننا تاۋار ءوتىپ جاتتى. اتاپ ايتقاندا: قىتايدان – جىبەك, ءۇندىستاننان – دامدەۋىشتەر, رەسەي جەرىنەن – تەرى ونىمدەرى, ەۋروپادان, تاياۋ جانە ورتا شىعىس ەلدەرىنەن – قولونەر بۇيىمدارى تاسىمالداندى», دەدى قاسىم-جومارت توقاەۆ.
قاسىم-جومارت توقاەۆ: جوشى ۇلىسىنىڭ مەملەكەتتىك باسقارۋ جۇيەسىن مۇقيات زەردەلەۋ قاجەت
