فوتو: اشىق دەرەككوز
جابىرلەنۋشىنىڭ ايتۋىنشا, الاياقتار وزدەرىن بانك قىزمەتكەرلەرى رەتىندە تانىستىرعان. ولار كاسىپكەرگە بىردەن ءۇش بانكتەن بىرنەشە نەسيە رەسىمدەۋگە كوندىرگەن. وسىدان كەيىن كاسىپكەر بارلىق اقشالاي قاراجاتتى الاياقتار كورسەتكەن شوتتارعا اۋدارعان.
بەلگىلى بولعانداي, الاياقتار جابىرلەنۋشىمەن تەلەفون ارقىلى عانا ەمەس, بەينە قوڭىراۋلار ارقىلى دا تۇراقتى بايلانىستا بولعان. سونىمەن قاتار, ولار ەر ادامعا كۇدىك تۋعىزباۋ ءۇشىن بانك قىزمەتكەرلەرىنە قانداي تۇسىنىكتەمە بەرۋ كەرەكتىگىن الدىن الا نۇسقاعان. اتاپ ايتقاندا, ءوتىنىش بەرۋشىگە قۇرىلىس ماتەريالدارىن ساتىپ الۋ ءۇشىن ۇلكەن سوما قاجەت ەكەنىن حابارلاۋ ۇسىنىلدى.
بىرنەشە كۇن بويى جابىرلەنۋشى الاياقتاردىڭ نۇسقاۋى بويىنشا قاتاڭ ارەكەت ەتتى: بانكتەردىڭ فيليالدارىنا, سونداي-اق ەلوردانىڭ ساۋدا ۇيلەرىنە بارىپ, سول جەردەن دروپپەرلەردىڭ شوتتارىنا ءموبيلدى اۋدارىمدار جاساعان. نەبارى ءتورت كۇن ىشىندە كەلتىرىلگەن زالال سوماسى 24 ميلليون تەڭگەدەن استى.
الاياقتاردىڭ جاڭا ايلاسى: Apple-دەن كەلگەن حات ءسىزدى تاقىرعا وتىرعىزۋى مۇمكىن
وسى فاكتى بويىنشا سوتقا دەيىنگى تەرگەۋ جۇرگىزىلىپ جاتىر. پوليتسەيلەر ازاماتتاردى كەزەكتى رەت بەلگىسىز تۇلعالاردىڭ قوڭىراۋلارىنا سەنبەۋگە, ولار كىم بولىپ كورىنسە دە, ءۇشىنشى تۇلعالاردىڭ نۇسقاۋى بويىنشا نەسيەلەر رەسىمدەۋدەن جانە اقشالاي قاراجاتتى كۇماندى شوتتارعا اۋدارۋدان باس تارتۋعا شاقىرادى.
بۇعان دەيىن قازاقستان ازاماتتارىن الداپ كەلگەن 53 شەتەل ازاماتى ۇستالعان بولاتىن.
