قالاشىق اۋماعىنان انىقتالعان قاراحان مەملەكەتى كەزەڭىنە جاتاتىن قىش قۇمىرالار سول ءداۋىردىڭ تۇرمىس-تىرشىلىگى مەن شەبەرلىك ءداستۇرىن ايقىن كورسەتەدى. ارحەولوگ, تاريح عىلىمدارىنىڭ دوكتورى ۋ.ح.شالەكەنوۆ جۇرگىزگەن قازبا جۇمىستارى كەزىندە تابىلعان بۇل بۇيىمدار تابيعي ساز بالشىقتان جاسالىپ, ارنايى پەشتەردە كۇيدىرىلگەن.
قىش قۇمىرالاردىڭ ءپىشىنىنىڭ شىمىرلىعى مەن قابىرعاسىنىڭ بەرىكتىگى كونە شەبەرلەردىڭ ىسىنە دەگەن جاۋاپكەرشىلىگى مەن كاسىبي دەڭگەيىن اڭعارتادى. گەومەتريالىق جانە وسىمدىك تەكتەس ورنەكتەر بۇيىمدارعا كوركەمدىك سيپات بەرىپ, ولاردى قاراپايىم تۇرمىستىق ىدىستان ناعىز قولونەر تۋىندىسىنا اينالدىرعان. مامانداردىڭ ايتۋىنشا, مۇنداي قىش بۇيىمداردىڭ كوپتەپ تابىلۋى بالاساعۇن قالاسى تۇرعىندارىنىڭ وتىرىقشى ءومىر سالتىن ۇستانىپ, ءوندىرىس پەن ساۋدانى دامىتقانىن دالەلدەيدى. بۇل جادىگەرلەر سول كەزەڭدەگى ەكونوميكالىق قۋات پەن مادەني ورلەۋدىڭ ناقتى كورىنىسى سانالادى.بۇگىندە مۋزەي قورىندا ساقتاۋلى تۇرعان بۇل قۇندى مۇرالار – وتكەن تاريحتىڭ شەجىرەسى بولىپ وتىر.
ءالينا تۇرسىن,
شۋ اۋداندىق تاريحي-ولكەتانۋ مۋزەي قىزمەتكەرى
جامبىل وبلىسى
