2011 جىلعى 22 قاراشا, استانا, ۇكىمەت ءۇيى
تەمەكى بۇيىمدارىن ساتۋ جۇزەگە اسىرىلاتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋدى بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 159-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان تەمەكى بۇيىمدارىن ساتۋ جۇزەگە اسىرىلاتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋ بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 22 قاراشاداعى №1367 قاۋلىسىنا قوسىمشا
تەمەكى بۇيىمدارىن ساتۋ جۇزەگە اسىرىلاتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋ
1. تەمەكى بۇيىمدارىن ساتۋ جۇزەگە اسىرىلاتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋدى تەمەكى بۇيىمدارىنىڭ كوتەرمە جانە بولشەك ساۋدا قىزمەتىن جۇزەگە اسىراتىن جەكە جانە زاڭدى تۇلعالاردىڭ ورىنداۋى مىندەتتى بولىپ تابىلادى.
2. تەمەكى بۇيىمدارىنىڭ كوتەرمە جانە بولشەك ساۋداسىن جۇزەگە اسىراتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى وسى ەسكەرتۋ (بۇدان ءارى – ەسكەرتۋ) تەمەكى شەگۋدىڭ زيانى تۋرالى سۋرەت پەن جازۋدان تۇرادى.
3.سۋرەت وسى ەسكەرتۋگە قوسىمشاعا سايكەس بولۋى ءتيىس.
4.جازۋلاردىڭ ءماتىنى مىناداي تالاپتارعا سايكەس بولۋى ءتيىس:
1) ەكى تىلدە باسىلۋى ءتيىس: جوعارعى جاعىندا – مەملەكەتتىك تىلدە, تومەنگى جاعىندا – ورىس تىلىندە;
2) ەسكەرتۋدىڭ نەگىزگى تومەنگى بولىگىنىڭ 20% (جيىرما پايىزىن) الىپ جاتۋى ءتيىس;
3) قارىپتەردىڭ اتاۋى – تىلگە سايكەس Helvetica kz جەنە Helvetica;
4) قارىپتىڭ كولەمى – 20 پت;
5) باعىتى – تومەنگى جيەگىنە قاتارلاستىرا, سولدان وڭعا قاراي;
6) ءتۇسى – قارا, CMYK C52.M41.Y40.K100 سپەكترى.
5. تەمەكى بۇيىمدارىنىڭ كوتەرمە جانە بولشەك ساۋداسىن جۇزەگە اسىراتىن ورىندارداعى ورنالاستىرىلاتىن ەسكەرتۋ كەلەسى تالاپتارعا سايكەس بولۋى ءتيىس:
1) ورنالاسۋ الاڭى – ا4 فورماتى جانە ودان ۇلكەن;
2) ەدەننەن كەمىندە 150 سم جەنە 200 سم اسپايتىن دەڭگەيدە ورنالاسۋ;
3) ساۋدا ورنىنا تىكەلەي جاقىن جەردە ورنالاسۋ.
6. دەنساۋلىق ساقتاۋ سالاسىنداعى ۋاكىلەتتى ورگان وسى ەسكەرتۋ العاشقى رەسمي جاريالانعان كۇنىنەن باستاپ كۇنتىزبەلىك ءتورت كۇننەن كەشىكتىرمەي ەسكەرتۋدىڭ ەلەكتروندىق نۇسقالارىن www.mz.gov.kz سايتىندا ورنالاستىرادى.
تەمەكى بۇيىمدارىن ساتۋ جۇزەگە اسىرىلاتىن ورىنداردا ورنالاستىرىلاتىن تەمەكى شەگۋدىڭ زيانى تۋرالى ەسكەرتۋگە قوسىمشا
