ليتۆا استاناسى ۆيلنيۋسقا ۇشىپ كەلگەن ۇشاقتى ارنايى اركامەن كۇتىپ الدى. بۇل SCAT اۋە كومپانياسىنىڭ ەۋروپالىق وداق ەلدەرىنە جاساعان تۇڭعىش رەيسى بولىپ تابىلادى. «استانادان ۆيلنيۋسقا رەيس اپتاسىنا ەكى رەت ورىندالادى. ناقتىراق ايتقاندا, بەيسەنبى جانە جەكسەنبى كۇندەرى جولاۋشىلار Boeing 737 ۇشاعىمەن ۇشاتىن بولادى», - دەلىنگەن حابارلامادا. قازاقستاننان ليتۆاعا باراتىن باعدار اۋە كومپانياسىنىڭ تاريحىنداعى ەڭ ءىرى كەزەڭ بولىپ وتىر. مۇنداعى ماقسات - قازاقستان مەن بالتىق ەلدەرى اراسىنداعى اۆياتسيالىق بايلانىستى نىعايتۋ بولىپ تابىلادى.
