جىل باسىنان بەرى اتالمىش مۇراجاي ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنا وراي بالالار شىعارماشىلىعىن قولداۋ بويىنشا «تۋعان ولكەم» جاڭا كوركەمدىك باعدارلاماسىن كەزەڭ كەزەڭىمەن وتكىزىپ كەلە جاتىر. باعدارلامانىڭ سەرىكتەسى «بالالىق شاقتان كوزقاراس» جوباسىن ىسكە اسىرۋشى استانا قالاسى بالالار كوركەمسۋرەت مەكتەبى – يۋنەسكو كلۋبى.
سونداي-اق, باعدارلامانىڭ باستى تاقىرىپتارىنىڭ ءبىرى – استانانىڭ 20 جىلدىعى ەكەنىن دە ايتا كەتكەن ءجون. مەرەيتوي قارساڭىندا ۇيىمداستىرىلىپ جاتقان بۇل كورمە نەگىزىنەن بالالار شىعارماشىلىعىن قولداۋ بويىنشا جۇزەگە اسقان. «تۋعان ولكەم» جاڭا باعدارلاماسى جاس تالانتتاردى انىقتاۋ جانە رەسپۋبليكانىڭ قوسىمشا ءبىلىم بەرۋ مەكەمەسىنىڭ جۇمىسىن ناسيحاتتاۋعا نەگىزدەلگەن.
باعدارلامانىڭ اياسىندا ەلوردانىڭ قوناقتارى مەن تۇرعىندارى رەسپۋبليكانىڭ بالالار كوركەمسۋرەت مەكتەپتەرى تاربيەلەنۋشىلەرىنىڭ ۇزدىك دەپ تانىلعان ديپلومدىق جۇمىستارىمەن تانىستى. جاس تالانتتار دا ونەردەگى ءوز جەتىستىكتەرىن ورتالىق الاڭدا كورسەتۋگە مۇمكىندىك الدى.
ءبىر ايتا كەتەرلىگى, جىل بويى وسى جوبا اياسىندا ءارتۇرلى قالالار مەن وڭىرلەر ءوز جۇمىستارىن ۇسىنىپ شىقپاق. اعىمداعى جىلدىڭ ىشىندە سەمەيدەن باسقا پاۆلودار, شىمكەنت جانە ەكىباستۇز قالالارىنان كوركەمسۋرەت مەكتەپتەرى بالالارىنىڭ قاتىسۋى جوسپارلانىپ قويىپتى.
سالتاناتتى راسىمنەن كەيىن اتالمىش كىتاپحانانىڭ الاڭىندا دارىندى بالالاردىڭ شىعارماشىلىق قىرلارىن اشاتىن شەبەرلىك-سىنىپتار, پلەنەرلەر, شىعارماشىلىق كەزدەسۋلەر ۇيىمداستىرىلدى. العاش بولىپ, سەمەي قالاسى بالالار كوركەمسۋرەت مەكتەبىنىڭ پەداگوگى جەڭىس مۇكۇشەۆتىڭ شەبەرلىك ساباعى ءوتتى.
ايتا كەتكەن ءجون كورمەدە 70-كە جۋىق, كەسكىندەمە, ساندىك-قولدانبالى جانە ءمۇسىن ونەرى بويىنشا تۋىندىلار ۇسىنىلدى. اتالمىش كورمە سوڭعى ءۇش جىلداعى مەكتەپ تۇلەكتەرىنىڭ ۇزدىك ديپلومدىق جوبالارىنان جيناقتالعان وقۋشىلاردىڭ شىعارماشىلىق تابىستارىن عانا ەمەس, پەداگوگتەردىڭ دە كاسىبي جەتىستىكتەرىن كورسەتتى.
مەرەي دىلداباەۆ
سۋرەتتى تۇسىرگەن ورىنباي بالمۇرات
