بىراق بۇل كەلەر جىلدىڭ بيۋدجەتى ءالى ناقتى بولماۋى مۇمكىن. ويتكەنى جىل قورىتىندىسى ءالى شىعارىلعان جوق. بىراق جوسپارلانعاننان كوپ تىرلىك جاسالىپ جاتىر, ونىڭ بىرىنە قارجىنى وبلىس ءوزى تاپسا, بىرىنە رەسپۋبليكالىق مەملەكەتتىك باعدارلامالارىنان الادى. بيۋدجەتتە كورسەتىلگەن قارجىنىڭ ءبىرازى رەسپۋبليكالىق بيۋدجەتتەن سۋبۆەنتسيا, تراسفەرتتەر, نەسيەلەر ارقىلى تۇسەتىن بولادى. وبلىستىڭ ءوزى جىل بويىنا تاپقان تابىسىنان 60 ميلليارد تەڭگە الۋدى جوسپارلاپ وتىر. اتقارىلاتىن ىستەردىڭ باسىمدىقتارى وزگەرىپ وتىرادى. 2017 جىلى بيۋدجەتتىڭ ءىرى كولەمدەگى قارجىلارى اۋىل شارۋاشىلىعىن دامىتۋعا, دەنساۋلىق ساقتاۋ سالاسىنا جۇمسالدى. ال كەلەر جىلى بيۋدجەتتەن 15,7 جىنە 12,7 ميلليارد تەڭگە تۇعىن ءۇي قۇرىلىسى مەن ونىڭ ينفراقۇرىلىمىنا جۇمسالاتىن بولادى. سونىمەن قاتار 8,8 ميلليارد تەڭگە اۋداندىق ماڭىزى بار جولدار مەن ەلدى مەكەندەردەگى كوشەلەردى دۇرىستاۋعا كەتەدى.
بيۋدجەت قارجىسى اۋىلدىق ەلدى مەكەندەردى اۋىز سۋمەن قامتاماسىز ەتۋگە جانە مەملەكەتتىك-كاسىپكەرلىك ارىپتەستىكتى ورىستەتۋگە جۇمسالماق. وبلىستىق بيۋدجەتتى نەگىزىنەن قوستاناي, رۋدنىي قالالارى تولتىرادى, قالعان اۋداندار مەن قالالاردىڭ وزدەرىنە سۋبۆەنتسيا بەرىلەدى.
ءنازيرا جارىمبەت,
«ەگەمەن قازاقستان»
