بايقاۋ وتكەن جىلدىڭ قاراشا ايىندا ەلباسى باستاماسىمەن, قر بجعم قولداۋىمەن جۇزەگە اسقان «G-Global» اۋقىمدى جوباسىن ىلگەرى جىلجىتىپ, ناسيحاتتاۋ ماقساتىندا استانا قالاسىندا العاش رەت وتكىزىلگەن ەدى. اتالمىش رەسپۋبليكالىق بايقاۋ قازاقستاندىق جاستار تاراپىنان ۇلكەن قىزىعۋشىلىق پەن شىنايى قولداۋ تاۋىپ, جاستاردىڭ شىعارماشىلىق, زياتكەرلىك الەۋەتى مەن جاسامپاز قۋاتىن بىرىكتىرۋشى الاڭعا اينالعان بولاتىن. الەمدىك ەكونوميكانىڭ, ادامدىق كاپيتالدىڭ جانە وركەنيەتتىڭ تۇراقتى دامۋىنىڭ وزەكتى ماسەلەلەرى جونىندەگى پىكىرتالاستارعا جاستاردىڭ بەلسەنە قاتىسۋى جاس ۇرپاقتىڭ مەملەكەتتىڭ الەۋمەتتىك-ەكونوميكالىق جانە يننوۆاتسيالىق دامۋىندا جاۋاپكەرشىلىك پەن تۇراقتى الەم قۇرۋدا ءوز ءرولىن سەزىنەتىندىگىن راستاعانداي.
«G-Global» حالىقارالىق حاتشىلىعىنىڭ جەتەكشىسى سەرىك نوگەربەكوۆ بەلسەندى ازاماتتىق ۇستانىم تانىتقاندىعى ءۇشىن قاتىسۋشىلارعا سالتاناتتى تۇردە ءوز العىسىن جەتكىزە وتىرىپ, جەڭىمپازداردى قۇتتىقتاپ, «G-Global» حالىقارالىق حاتشىلىعىنىڭ ديپلومدارىمەن ماراپاتتادى. وسى ورايدا ايتا كەتسەك, «جاستار G-Global-دى قولدايدى» رەسپۋبليكالىق بايقاۋىندا ە.بوكەتوۆ اتىنداعى قارمۋ مەن ل. گۋميلەۆ اتىنداعى ەۇۋ-نىڭ شتابتارى ەكىنشى جانە ءۇشىنشى ورىندى يەلەندى. ۇيىمداستىرۋشىلار اتالمىش بايقاۋدى جىل سايىن وتكىزۋ جوسپارى تۋرالى حابارلاي كەلە, مۇنداي مۇمكىندىك جاستاردىڭ ءوزىن-ءوزى جەتىلدىرۋگە, ءوزىن-ءوزى تانىتۋعا دەگەن ىنتالارىن ارتتىرا تۇسەتىنىن ايتتى.
ميرا بايبەك,
«ەگەمەن قازاقستان»
