قر مادەنيەت جانە سپورت ءمينيسترى ارىستانبەك مۇحامەدي ۇلى جوبا مەملەكەت باسشىسىنىڭ «بەس ينستيتۋتسيونالدىق رەفورمانى ىسكە اسىرۋدىڭ 100 ناقتى قادامى» ۇلت جوسپارىنىڭ 86-قادامىن جۇزەگە اسىرۋ اياسىندا ازىرلەنگەنىن ايتىپ ءوتتى. تۇجىرىمدامانى ەكى كەزەڭ بويىنشا: 2018-2020 جىلدارى جانە 2021-2023 جىلدارى ىسكە اسىرۋ كوزدەلگەن.
تۇجىرىمداما بويىنشا التى وڭىرلىك مادەني-تۋريستىك كلاستەر قۇرۋ جوسپاردا بار: «استانا – ەۋرازيا جۇرەگى», «الماتى – قازاقستاننىڭ ەركىن مادەني ايماعى», «التاي ءىنجۋ مارجانى», « ۇلى جىبەك جولىن جانداندىرۋ», «كاسپي قاقپاسى», «تابيعات پەن كوشپەلى مادەنيەتتىڭ بىرتۇتاستىعى».
وڭىرلەردىڭ ەرەكشەلىكتەرىن ەسكەرە وتىرىپ, ءتۋريزمنىڭ جاڭا باعىتتارى دامتيتىن بولادى: ساكرالدى, كەمپينگتى, گاسترونوميالىق, اڭشىلىق, ەتنوگرافيالىق, الەۋمەتتىك جانە ت. ب. جاعىمدى يميدج قالىپتاستىرۋ مەن ماركەتينگ جۇمىستارىن جۇرگىزۋ ءۇشىن «قازاقتۋريزم» ۇيىمى قۇرىلادى.
