اتىنا زاتى ساي, العىر دەسە, العىر. 2016-2017 وقۋ جىلىندا جەتكەن جەتىستىكتەرى ءۇشىن العىر سالمەنباەۆپەن وقۋ-ءبىلىم جولىن تاڭداعان دارىندى دوستارى ايدانا ادىلسەيىتوۆا, پولينا كان, ءاسيا تىلەكتەسوۆا, بوگدان پروتاسوۆتارعا پاۆلودار قالالىق اكىمدىگى «سارىارقا جۇلدىزدارى» ءمۇسىنى مەن نوۋتبۋك سىيعا بەرگەن-ءدى. ۇستازدارى ءتانزيلا موكروۋسوۆا, ليديا شميدت, تاتيانا سيگاكوۆا جانە مانات اۋباكىروۆانى شاكىرتتەرى ماقتان ەتەدى.
– ارينە, تەستىلەۋگە تياناقتى, وتە جاقسى دايىندالدىق. مەكتەبىمىزدىڭ ۇستازدارىنا, اناما راحمەت! بىزگە ۇنەمى جاعداي جاساپ, تەست تاپسىرۋداعى ءبىر ساتتە تاعدىرىما جول اشاتىن ۇلكەن مۇمكىندىككە قول جەتكىزۋگە قولداۋ كورسەتتى. ۇنەمى وقۋ-بىلىمگە, ىزدەنۋگە ۋاقىت بولەتىندىكتەن وسىنداي ناتيجەگە جەتتىم دەپ ويلايمىن, − دەيدى العىر.
اناسى ساۋلە دە ۇلىنىڭ جۇزدەن جۇيرىك شىققان بىلىمدىلىگىنە قۋانىشتى. كىشكەنتاي كۇنىنەن العىر, زەرەك وسكەن ۇلى مەكتەپتە وقىعان كۇننەن باستاپ-اق بىلىمگە دەگەن قۇشتارلىعىمەن كوزگە ءتۇسىپتى.
− جوعارى بالل العانى − وركەنيەتتى بىلىمگە دەگەن ۇمىتىلىسى, العىر ۇنەمى كوپ ءبىلۋدى ماقسات ەتەدى. تەست تاپسىرار ساتكە دەيىن دايىندىعىن ۇزگەن ەمەس. ول ءوز بىلىمىنە, ءوزىنىڭ دايىندىعىنا سەندى, − دەيدى اناسى ساۋلە.
ءيا, بىلىمدىگە ءورىس كەڭ. العىر ەندى الماتى مەن استاناداعى جوعارى وقۋ ورىندارىنىڭ ءبىرىنىڭ ستۋدەنتى اتاناتىن دا كۇن دە الىس ەمەس.
ىزدەنىس دەمەكشى, العىر قالالىق مەكتەپتەردىڭ ۇزدىك وقيتىن باسقا وقۋشىلارى سياقتى وبلىستىق, رەسپۋبليكالىق عىلىمي جوبالار سايىسىنا ءجيى قاتىسىپ كەلدى. بولاشاقتا ماتەماتيك عاجايىپتارىن شەشىپ, ءبىلىم-بىلىگىن عىلىم ارقىلى شىڭداماق.
فاريدا بىقاي,
«ەگەمەن قازاقستان»
پاۆلودار
