قازاق ەلىندە بۇيرەك الماستىرۋ جۇزەگە اسا باستادى

سارسەنبى كۇنى ەلورداداعى رەسپۋبليكالىق جەدەل مەديتسينالىق جاردەم عىلىمي ورتالىعىندا قازاقستاندىق دارىگەرلەردىڭ العاش رەت لاپاروسكوپيالىق تاسىلمەن بۇيرەكتى الماستىرۋ بويىنشا جاسالعان وپەراتسيالار قورىتىندىسى تۋرالى ءباسپاسوز ءماسليحاتى بولىپ ءوتتى. ورتالىق ماماندارى بۇيرەكتى الماستىرۋدىڭ جاڭا ءادىسىن ءوڭتۇس­تىك كورەيانىڭ انام گوسپيتالىنىڭ ما­مان­دارىمەن تاجىريبە الماسۋ كەزىندە ۇيرەنىپتى. ارىپتەستەرىمەن بىرلەسىپ لاپاروسكوپيانىڭ كومە­گى­مەن 3 بۇيرەكتى الماستىرۋ وپەراتسياسى جاسالىپتى. دارىگەرلەردىڭ ايتۋىنشا, قا­زاق ەلىندە العاش رەت ورىندالعان وپە­راتسيانىڭ ءبىر ارتىقشىلىعى وتا كەزىندە جاراقات از بولىپ, سىرقات­تار­دىڭ وڭالۋى 2-3 كۇنگە قىسقارا­دى ەكەن. ياعني ناۋقاس 2-3 كۇننىڭ ىشىندە ەمىن-ەركىن ءجۇرىپ-تۇرا الادى. ءباسپاسوز ءماسليحاتى بارىسىن­دا رەسپۋبليكالىق جەدەل مەديتسي­نا­لىق جاردەم عىلىمي ورتالىعى­نىڭ باسقارما توراعاسى بولات باي­ما­حانوۆ ەلىمىزدەگى سوزىلمالى بۇيرەك قىزمەتىنىڭ جەتكىلىكسىزدىگى بار سىر­قاتتاردىڭ جاعدايىمەن تا­نىستىرا كەلە, مۇنداي وپەرا­تسيا­عا 1500 ناۋ­قاستىڭ مۇقتاج بو­لىپ وتىرعان­دى­عىن تىلگە تيەك ەتتى. ونىڭ ايتۋىن­شا, قازىرگى تاڭدا ءبىر جىلدىڭ ىشىندە ەلىمىزدە 10-12 بۇيرەكتى الماس­تىرۋ وپەراتسياسى جاسالادى. بىراق بۇل كورسەتكىش ناۋقاستاردىڭ قاجەت­تىلىكتەرىن تو­لىق وتەپ جاتىر دەۋگە بولمايدى. سونىمەن قاتار, ول مۇن­داي وپەرا­تسيانىڭ قۇنى ەلىمىزدە وتە قىمبات ەكەندىگىن دە جاسىرمادى. «الداعى ۋاقىتتا جاسالاتىن وپەرا­تسيا­لار­دىڭ باسىم بولىگى لاپاروسكوپيا كومەگىنە جۇگىنەتىن بولادى. وتا جاساۋ بارىسىنداعى بارلىق شى­عىن مەملەكەت قارجىسىمەن اتقا­رى­لاتىن بولسا, ناۋقاستارعا كو­مەك تەگىن كورسەتىلەدى. ونداي جاع­دايدا ورتا­لىق اپتاسىنا 2 وتا جا­ساۋ­عا قابى­لەتتى» دەدى ب.بايماحانوۆ جۋرناليستەرمەن جۇزدەسۋ ۇستىندە. بۇگىنگى تاڭدا ۇلتتىق مەدي­تسي­نالىق حولدينگ دەنساۋلىق ساقتاۋ مينيسترلىگىمەن بىرلەسىپ, قازاق­ستان­دىق­تار ءۇشىن جوعارى مامان­دان­دىرىل­عان دارىگەرلىك كومەككە قول­جە­تىمدىلىكتى با­رىنشا ارتتىرۋ ءۇشىن جۇمىستار جاساپ كەلەدى. سو­لار­دىڭ ءبىرى ادام ءمۇ­شەلەرىن ال­ماس­تىرۋ دەر ەدىك. ورتا­لىق ما­مان­داردىڭ پىكىرلەرى بويىنشا الداعى 5 جىلدىڭ ىشىندە ەلىمىزدە جىل سايىن جاسالى­ناتىن مۇنداي وتا جاساۋ كورسەتكىشى كەمىندە ەكى ەسە ۇلعايۋ كەرەك. بۇل مىندەتتەردى ورىن­داۋ­ ءۇشىن ۇلتتىق مەديتسينا­لىق حول­دينگ­تىڭ ماماندا­رى شەتەلدىك ارىپتەس­تەرىنىڭ الدىڭ­عى قا­تار­لى تاجىريبە­لەرى­مەن تانى­سىپ, ونى ءوزىمىزدىڭ وتاندىق مەديتسينا سالاسىنا بەلسەندى پايدالا­نۋعا تال­­پىنۋدا ەكەن. ءما­سەلەن, ءبۇي­رەك­تى الماستىرۋدىڭ جاڭا ءادىس­تەرىن تو­لىق يگەرۋ ءۇشىن وڭتۇستىك­كورەيالىق ماماندار قازاق­ستاندىق وتاشى­لار­دى وزدەرىنىڭ ءتاجى­ري­بە­لەرى­مەن تا­نى­سۋ ءۇشىن ءوز ەلدەرىنە شاقى­رىپ­تى. ول مەملەكەت مۇنداي وتا جاساۋدا الەم ەلدەرىنىڭ ال­دىڭ­عى قاتا­رىنان كورىنىپ وتىر­عا­نى بەلگىلى. ولاردىڭ كليني­كا­لارىندا جىلىنا 2 مىڭ بۇيرەك جانە 1 مىڭ باۋىر ال­ماس­تىرۋ وپە­راتسياسى جاسالاتىن كو­رى­نە­دى. وتكەن جىلى بۇل ەلدەگى كلي­نيكالاردىڭ ءبىرى 208 وتا جاساپ, گيننەستىڭ رەكوردتار كىتابىنا ەنىپتى. مۇنداي كورسەتكىش ءبىزدىڭ ەلدە دە بولادى دەگەن سەنىمدەمىز. اراي ۇيرەنىشبەكقىزى.