باس پروكۋراتۋرا قۇقىقتىق ستاتيستيكا كوميتەتىنىڭ توراعاسى تاعايىندالدى

مەملەكەت باسشىسىنىڭ وكىمىمەن باعدات باتىربەك ۇلى مۋسين قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارناۋلى ەسەپكە الۋ كوميتەتىنىڭ توراعاسى قىزمەتىنە تاعايىندالدى, دەپ حابارلايدى اقوردانىڭ ءباسپاسوز قىزمەتى. سونداي-اق, مەملەكەت باسشىسىنىڭ وكىمىمەن ساۋلە مۇحانبەديانقىزى ايتپاەۆا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارناۋلى ەسەپكە الۋ كوميتەتىنىڭ ءتورايىمى قىزمەتىنەن بوساتىلدى. باعدات مۋسين 1983 جىلى 3 ناۋرىزدا پاۆلودار وبلىسىندا دۇنيەگە كەلدى. سۇلەيمەن دەميرەل اتىنداعى ۋنيۆەرسيتەتتى جانە قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. 2011 جانە 2012 جىلدار ارالىعىندا قر بام مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ ورىنباسارى بولدى. 2012 جىلدان باستاپ قر كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ لاۋازىمىن اتقاردى. 2014 جىلدىڭ ساۋىرىندە "ۇلتتىق اقپاراتتىق تەحنولوگيالار" اق باسقارما توراعاسى بولىپ تاعايىندالدى. بۇل تاعايىنداۋعا دەيىن "قازپوشتا" اق باسقارماسىنىڭ توراعاسى قىزمەتىن اتقاردى.