جقجك-2020: 2016 جىلى 7 مىڭ قازاقستاندىق تەگىن وقىتىلدى

2017 جىلدىڭ 1 قاڭتارىنداعى مالىمەتتەرگە ساي, 6 335 باعدارلاما قاتىسۋشىسى وقۋىن اياقتادى, ولاردىڭ 5 431-ءى ەڭبەكپەن قامتىلدى, دەپ جازادى primeminister.kz. وتكەن جىلى «جۇمىسپەن قامتۋ 2020 جول كارتاسى» باعدارلاماسى اياسىندا تەگىن وقۋمەن 7 240 ادام قامتىلدى, ولارعا جۇمىسقا ورنالاسۋعا كومەك كورسەتىلدى. سونىمەن بىرگە, ەڭبەك رەسۋرستارىنىڭ موبيلدىلىگىن ارتتىرۋ ماقساتىندا مەملەكەتتىك قولداۋ شارالارىمەن 2 مىڭعا جۋىق ادام قامتىلدى. ونىڭ ىشىندە وبلىسارالىق قونىس اۋدارۋعا 1 207 ادام قاتىستى. رەسپۋبليكانىڭ وڭتۇستىك وڭىرلەرىنەن پاۆلودار وبلىسىنا - 600 ادام, سولتۇستىك قازاقستان وبلىسىنا - 404, قوستاناي وبلىسىنا - 111, شىعىس قازاقستان وبلىسىنا 92 ادام كوشىرىلدى. «قونىس اۋدارعان ازاماتتاردىڭ 1 078 ادامى ەڭبەككە جارامدى, بۇگىنگى تاڭدا ونىڭ 436-سى جۇمىسقا ورنالاستى», - دەلىنگەن حابارلامادا. ەستەرىڭىزگە سالا كەتەيىك, 2016 جىلى جقجك-2020 باعدارلاماسىنىڭ ءۇشىنشى باعىتىن جۇزەگە اسىرۋ ماقساتىندا 6,8 ملرد تەڭگە بولىنگەن بولاتىن. اتالعان قاراجاتتىڭ ەسەبىنەن ازاماتتار جاڭا كاسىپ يەسى اتانىپ, سونىمەن قاتار, بىلىكتىلىكتەرىن ارتتىردى, جاڭا قونىس ورنىندا جۇمىسقا ورنالاستى.