تاراز. 3 مامىر. تاراز مەملەكەتتىك پەداگوگيكالىق ينستيتۋتىندا «ءبىر حالىق – ءبىر ەل – ءبىر تاعدىر» اتتى ونەر فەستيۆالى ءوتتى. اتالمىش شاراعا وقۋ ورنىندا ءبىلىم الىپ جاتقان ءتۇرلى ۇلت وكىلدەرى قاتىستى. بۇل تۋرالى تارمپي اقپاراتتىق-يميدجدىك قىزمەتىنە سىلتەمە جاساعان egemen.kz ءتىلشىسى حابارلادى.
فەستيۆالدىڭ ماقساتى – انا تىلىندەگى ەركىن شىعارماشىلىققا جاعداي جاساۋ, جاستاردى ءتول مادەنيەتكە, سالت-ءداستۇر مەن ادەت-عۇرىپقا دەگەن سۇيىسپەنشىلىككە باۋلۋ, وعان قۇرمەت كورسەتۋ, مادەني جەتىستىكتەردى ساقتاپ, كوبەيتۋ.
قاتىسۋشىلار ءوز ۇلتتارىنىڭ مادەنيەتى, سالت-داستۇرىمەن تانىستىرىپ قانا قويماي, ۆوكالدىق جانە بي نومەرلەرىن ۇسىنىپ, ولەڭدەر وقىدى. سونداي-اق ۇلتتىق تاعامدار ازىرلەپ, دايىنداۋ تاسىلدەرىمەن تانىستىردى.
ەكى كۇنگە سوزىلعان فەستيۆال اياسىندا 9 ۇلت وكىلدەرىنەن قۇرالعان توپ ءوز ونەرىن ورتاعا سالدى. 6 جانر بويىنشا كوركەمدىك نومىرلەر كورسەتىلدى. اتاپ ايتقاندا, حور جانە ۆوكالدى توپتار, جەكە ورىنداۋ, حورەوگرافيا, ءداستۇرلى مۋزىكالىق-حورەوگرافيالىق كومپوزيتسيا جانە قولونەر تۋىندىلارىنىڭ كورمەسى.
«قازاقستاننىڭ تاۋەلسزدىگىنىڭ 25 جىلدىعىن تويلاي وتىرىپ, ەلباسىنىڭ سارا ساياساتىنىڭ ارقاسىندا دۇنيەگە كەلگەن قازاقستان حالقى اسسامبلەياسىنىڭ اتقارىپ جاتقان يگىلىكتى ىستەرىن ناسيحاتتاۋ باستى مىندەتىمىز. ەگەمەن ەلىمىزدىڭ بارلىق تابىستارى مەن جەتىستىكتەرى – ۇلتى مەن ءدىني سەنىمىنە قاراماستان «ءبىر جاعادان باس, ءبىر جەڭنەن قول شىعارىپ» وتىرعان وتانداستارىمىزدىڭ مىزعىماس دوستىعىنىڭ ناتيجەسى. بارلىق العا قويعان ماقساتتارعا ەل ازاماتتارىنىڭ بىرلىگىنىڭ ارقاسىندا عانا قول جەتكىزە الامىز», دەيدى ءىس-شارانى ۇيىمداستىرۋشىلار.
فەستيۆال سوڭىندا «جۇزدەن – جۇيرىك, مىڭنان – تۇلپار شىققاندار» العىس حاتتارمەن ماراپاتتالدى.
ورالحان ءداۋىت.
دەرەك, فوتو: egemen.kz