پوليتسيا قىزمەتكەرلەرى اقش پرەزيدەنتى دونالد ترامپتىڭ فلوريدا شتاتىنداعى مار-ا-لاگو رەزيدەنتسياسىنىڭ اۋماعىنا «رۇقساتسىز كىرگەن» ەر ادامدى اتىپ ءولتىردى. بۇل تۋرالى اقش قۇپيا قىزمەتىنىڭ باسپاسوز حاتشىسى ەنتوني گۋلەلمي X الەۋمەتتىك جەلىسىندەگى پاراقشاسىندا مالىمدەدى, دەپ جازادى Egemen.kz.
ەنتوني گۋلەلمي قازا تاپقان ادامنىڭ ەسىمىن اتاماي, تەك ونىڭ 20 جاستا بولعانىن حابارلادى. جاريالانعان مالىمدەمەدە ەر ادامنىڭ پرەزيدەنت رەزيدەنتسياسىنىڭ سولتۇستىك قاقپاسى ماڭىندا مىلتىققا ۇقساس زاتپەن جانە جانارماي قۇيىلعان ىدىسپەن جۇرگەنى بايقالعانى ايتىلعان.
دونالد ترامپ يرانعا كۇش قولدانۋدى تالقىلايدى
حابارلاماعا سايكەس, كۇزەتىلەتىن اۋماقتا قارۋلى بولۋى مۇمكىن ەر ادام انىقتالعاننان كەيىن قۇپيا قىزمەت اگەنتتەرى مەن شەريفتىڭ ورىنباسارى الدىمەن ونىمەن بايلانىس ورناتقان. الايدا كۇدىكتى اگرەسسيۆتى ارەكەت ەتكەن سوڭ, كۇشتىك قۇرىلىم قىزمەتكەرلەرى ونى اتىپ توقتاتۋعا ءماجبۇر بولعان. پوليتسيا مەن قۇپيا قىزمەت وكىلدەرىنىڭ ەشقايسىسى زارداپ شەكپەگەنى اتاپ ءوتىلدى.
اقش پرەزيدەنتى دونالد ترامپ قازاقستانعا كەلۋى مۇمكىن
سونداي-اق وقيعا كەزىندە ترامپ رەزيدەنتسيادا بولماعانى, ونىڭ ۆاشينگتوندا بولعانى حابارلاندى.