قازاقستاندا حالىقارالىق مۋزەي كۇنىنە وراي رەسپۋبليكالىق «مۋزەي ءتۇنى» اكتسياسى وتەدى. 16-18 مامىر ارالىعىندا ەل مۋزەيلەرىندە تاريحي مۇرا, ونەر, زاماناۋي تەحنولوگيالار مەن ەتنومادەني باعىتتاردى توعىستىرعان كەشكى جانە تۇنگى باعدارلامالار ۇيىمداستىرىلادى. بۇل كۇندەرى ەلدەگى بارلىق مۋزەيگە كىرۋ تەگىن بولادى, دەپ حابارلايدى Egemen.kz.
رەسپۋبليكالىق اكتسيا اياسىندا ءۇش ۇلتتىق مۋزەيدىڭ ارنايى باعدارلامالارى كوپشىلىك نازارىنا ۇسىنىلادى. 16 مامىر كۇنى اكتسيا ءابىلحان قاستەەۆ اتىنداعى ۇلتتىق ونەر مۋزەيىندە باستالادى. مۇندا «جەتى قازىنا» كورمەسى ءوتىپ, مۋزەي ءوز اۋلاسىندا Open Air فورماتىنداعى مادەني باعدارلاما ۇسىنادى.
18 مامىر كۇنى ۇلتتىق مۋزەيدە سكريپكاشى نازىم مۇستافينا گۋمانويد روبوت پەن بيونيكالىق روبوت-ءيتتىڭ قاتىسۋىمەن ونەر كورسەتەدى. جوبا ونەر مەن زاماناۋي تەحنولوگيانى ۇشتاستىرىپ, تاريحي-مادەني مۇرانى جاڭا فورماتتا تانىتۋدى كوزدەيدى.
ماڭعىستاۋدا اشىق اسپان استىنداعى ارحەولوگيالىق مۋزەي سالىنادى
سول كۇنى ۇلتتىق ورتالىق مۋزەيىندە قورداعى جادىگەرلەردى ساقتاۋ مەن تولىقتىرۋ باعىتىنا باسىمدىق بەرىلەدى. «مۋزەيگە سىي» اكتسياسى اياسىندا مادەنيەت, ونەر, سپورت جانە تاريحقا قاتىستى قۇندى جادىگەرلەر مۋزەي قورىنا تابىستالادى.
اكتسياعا مۋزەي-قورىقتار دا قاتىسادى. باعدارلامادا تاريحي ەسكەرتكىشتەرگە ارنالعان تۇنگى باعىتتار, تەاترلاندىرىلعان قويىلىمدار, تاريحي كۆەستەر, جارىق جانە دىبىستىق كورىنىستەر, مۋلتيمەديالىق جوبالار مەن جاساندى ينتەللەكت ەلەمەنتتەرى قامتىلعان.
اقمولا وبلىسىندا باتىرلارعا ارنالعان مۋزەي اشىلدى
باعدارلاما اياسىندا كەلۋشىلەر قولونەر شەبەرلەرىنىڭ كورمەسىن تاماشالاپ, ۇلتتىق ويىندارعا قاتىسىپ, ءداستۇرلى تاعامداردان ءدام تاتا الادى. سونداي-اق ەتنواۋىلداردا رۋحاني جۇزدەسۋلەر مەن كيىز ۇيدەگى تۇنگى شاي سەكىلدى ەتنومادەني فورماتتار ۇيىمداستىرىلادى. اشىق اسپان استىنداعى فورماتتار, سونىڭ ىشىندە شاتىرلى لاگەرلەر مەن جۇلدىزدى اسپاندى تاماشالاۋ باعدارلامالارى دا جوسپارلانعان.