ءماسليحات دەپۋتاتتارى ەلوردانىڭ باس جوسپارىنا ەنگىزىلگەن تۇزەتۋلەردى ماقۇلدادى. قۇجاتتا استانا – كوكشەتاۋ تاسجولى بويىنداعى, شورتاندى كەنتى ماڭىنداعى اۋماق جاڭا اۋەجاي سالۋعا ەڭ قولايلى ورىن رەتىندە كورسەتىلگەن, دەپ حابارلايدى Egemen.kz
الايدا ازىرگە اۋەجاي قۇرىلىسى باستالادى دەگەن ءسوز ەمەس. قازىر بۇل اۋماق بولاشاقتاعى جوبا ءۇشىن ۇزاق مەرزىمدى رەزەرۆ رەتىندە قاراستىرىلىپ وتىر. ياعني قالا جاڭا اۋەجاي سالۋعا قاجەتتى جەر تەلىمىن الدىن الا بەلگىلەپ قويماق.
ەسەپتەۋلەرگە سايكەس, ۇسىنىلعان الاڭ استانا قالاسىنىڭ شەكاراسىنان شامامەن 48 شاقىرىم قاشىقتىقتا ورنالاسادى. ەگەر ارنايى اەروەكسپرەسس ىسكە قوسىلسا, «نۇرلى جول» تەمىرجول ۆوكزالىنان اۋەجايعا دەيىنگى جول شامامەن 75–80 مينۋتقا سوزىلۋى مۇمكىن.
استانادا 2035 جىلعا دەيىن ەكىنشى اۋەجاي سالىنادى
جول ءجۇرۋ ۋاقىتى مەن كۇتۋ ۋاقىتىن قوسا ەسەپتەگەندە, ساپاردىڭ جالپى ۇزاقتىعى ەكى, ەكى جارىم ساعاتقا دەيىن جەتۋى ىقتيمال.