استانا پوليتسياسى ارنايى درون ارقىلى مونيتورينگ جۇرگىزگەن. ناتيجەسىندە ايتماتوۆ كوشەسىندە توپىراق ۇرلانىپ جاتقانى انىقتالعان, دەپ جازادى Egemen.kz.
مەملەكەتتىك تىركەۋ نومىرلەرىن تانۋ جۇيەسى ارقىلى 2 جۇك كولىگى انىقتالعان. اقپارات جەدەل تۇردە پوليتسەيلەرگە جولدانعان. جۇرگىزۋشىلەر جاۋاپقا تارتىلىپ, كولىكتەر كوممۋنالدىق تۇراققا قويىلدى.
اتالعان فاكتىگە قاتىستى ماتەريالدار استانا قالاسىنىڭ ەكولوگيا دەپارتامەنتىنە جولداندى.
«پوليتسيا زاڭسىز توپىراق ءوندىرۋ مەن تاسىمالداۋ تابيعاتتى قورعاۋ زاڭناماسىن بۇزۋ بولىپ سانالاتىنىن جانە ول ءۇشىن زاڭدا كوزدەلگەن جاۋاپكەرشىلىك قاراستىرىلعانىن ەسكەرتەدى. ازاماتتار وسىعان ۇقساس جاعدايعا كۋا بولسا, «102» نومىرىنە حابارلاعانى ءجون», دەلىنگەن قالالىق پوليتسيا دەپارتامەنتىنىڭ حابارلاماسىندا.
قاراعاندى وبلىسىندا ءورت وشاقتارىن دروندار باقىلايدى
ايتا كەتەيىك, بەينەباقىلاۋ كامەرالارى جوق تۇستاردا ەلوردالىق پوليتسيا دروندار جانە باسقا زاماناۋي تەحنولوگيالار قولدانادى.
ەسكە سالايىق, بۇعان دەيىن الاكول جاعالاۋىن دروندار باقىلايتىنى تۋرالى جازعانبىز.