قارجى نارىعىن رەتتەۋ جانە دامىتۋ اگەنتتىگىنىڭ باسقارماسى «قارىزدار جانە ميكروكرەديتتەر بويىنشا جىلدىق ءتيىمدى سىياقى مولشەرلەمەسىنىڭ شەكتى مولشەرلەرىن ايقىنداۋ تۋرالى» ۇلتتىق بانك باسقارماسىمەن بىرلەسكەن قاۋلى جوباسىن ازىرلەدى, دەپ حابارلايدى& Egemen.kz.
جوبا نورماتيۆتىك قۇقىقتىق بازانى جەتىلدىرۋ ماقساتىندا ازىرلەندى جانە نورماتيۆتىك قۇقىقتىق اكتىلەردىڭ كەلىسىلۋىن قامتاماسىز ەتۋگە جانە تالاپتاردىڭ قايتالانۋىن بولعىزباۋعا باعىتتالعان.
قارجى نارىعىن رەتتەۋ جانە دامىتۋ اگەنتتىگىنىڭ ءباسپاسوز قىزمەتىنىنڭ مالىمدەۋىنشە, نەگىزگى وزگەرىس 2027 جىلعى 1 قاڭتاردان باستاپ يپوتەكالىق تۇرعىن ءۇي قارىزدارى بويىنشا جىلدىق ءتيىمدى سىياقى مولشەرلەمەسىنىڭ (جتسم) شەكتى مولشەرىن بەلگىلەۋگە قارىز مولشەرىنىڭ كەپىل نىساناسىنىڭ قۇنىنا قاتىناسى كوەففيتسيەنتىنە (Loan-to-Value, LTV) بايلانىستى سارالانعان ءتاسىلدى ەنگىزۋ.
LTV ينديكاتورى يپوتەكالىق قارىز سوماسىنىڭ كەپىلمەن قامتاماسىز ەتۋ قۇنىنا قاتىناسىن كورسەتەدى جانە يپوتەكالىق كرەديت بەرۋدەگى كرەديتتىك تاۋەكەلدىڭ نەگىزگى كورسەتكىشتەرىنىڭ ءبىرى.
4 ماۋسىمنان باستاپ يپوتەكا قىمباتتايدى: «وتباسى بانك» قانداي وزگەرىس ەنگىزدى؟
بۇدان باسقا, LTV كورسەتكىشى ساتىپ الىناتىن تۇرعىن ءۇي قۇنىنداعى قارىز قاراجاتىنىڭ ۇلەسىن كورسەتەدى جانە قارىز الۋشىنىڭ باستاپقى جارناسىنىڭ مولشەرىنە بايلانىستى بولادى. باستاپقى جارنا نەعۇرلىم جوعارى بولسا, LTV ءمانى, قارىز قاراجاتىنىڭ ۇلەسى جانە يپوتەكالىق تۇرعىن ءۇي قارىزى بويىنشا كرەديتتىك تاۋەكەل دەڭگەيى سوعۇرلىم تومەن بولادى.
«وسىعان بايلانىستى جوبادا يپوتەكالىق تۇرعىن ءۇي قارىزدارى بويىنشا جەتسم شەكتى مولشەرىن تومەندەگىدەي بەلگىلەۋ كوزدەلەدى:ء LTV مانى قوسا العاندا 0,7-گە 20%-عا دەيىن; LTV مانى 0,7-دەن جوعارى بولعان كەزدە 25%-عا دەيىن.
وسىلايشا, باستاپقى جارناسى ونىڭ قۇنىنىڭ كەمىندە 30%-ى بولاتىن تۇرعىن ءۇي ساتىپ الاتىن قارىز الۋشىلار يپوتەكالىق تۇرعىن ءۇي قارىزدارىن نەعۇرلىم تومەن قۇنى بويىنشا الا الادى», دەلىنگەن حابارلامادا.
جاڭا يپوتەكالىق جوبا ارقىلى اياقتالماعان ۇيلەردەن پاتەر الۋعا بولادى
ۇسىنىلعان تەتىك قارىز الۋشىلاردىڭ باستاپقى جارنانى قالىپتاستىرۋىن ىنتالاندىرۋعا, يپوتەكالىق نارىقتى رەتتەۋدىڭ تاۋەكەلگە باعدارلانۋىن ارتتىرۋعا, يپوتەكالىق تۇرعىن ءۇي قارىزدارى بويىنشا نەعۇرلىم ءادىل باعا بەلگىلەۋدى قامتاماسىز ەتۋگە جانە بانك سەكتورىنىڭ ورنىقتىلىعىن قولداۋعا باعىتتالعان.
بۇل رەتتە 2026 جىلعى 1 شىلدەدەن باستاپ 2027 جىلعى 1 قاڭتارعا دەيىنگى كەزەڭدە يپوتەكالىق تۇرعىن ءۇي قارىزدارى بويىنشا جستم-ءنىڭ شەكتى مولشەرى قولدانىستاعى دەڭگەيدە – 25% بولىپ ساقتالادى.