مەملەكەت باسشىسى قاسىم-جومارت توقاەۆ قازاقستاندا زاڭ ۇستەمدىگىنە نەگىزدەلگەن ادىلەتتى قازاقستاندى قۇرۋ باعىتىنداعى رەفورمالار جالعاسىپ جاتقانىن ايتتى, دەپ حابارلايدى Egemen.kz.
پرەزيدەنتتىڭ ايتۋىنشا, ەلىمىزدە سوت جۇيەسىنىڭ تاۋەلسىزدىگىن قامتاماسىز ەتۋگە ەرەكشە كوڭىل ءبولىنىپ كەلەدى.
ء«بىز زاڭ مەن تارتىپكە باعىناتىن, بارشاعا بىردەي مۇمكىندىك بەرەتىن ادىلەتتى قازاقستاندى قۇرۋ ءۇشىن اۋقىمدى جۇمىس اتقارىپ جاتىرمىز. سوندىقتان سوت جۇيەسىنىڭ تاۋەلسىزدىگىن قامتاماسىز ەتۋگە باسا ءمان بەرىپ وتىرمىز. ءبىرىنشى شىلدەدە ەلىمىزدىڭ جاڭا كونستيتۋتسياسى كۇشىنە ەنەدى. وسىلايشا, قازاقستان ءوز دامۋىنىڭ شەشۋشى كەزەڭىنە قادام باسادى. مەن بۇگىن بەس كونستيتۋتسيالىق زاڭعا قول قويدىم. بۇل – جاڭا كونستيتۋتسياعا سايكەس مەملەكەتتىك باسقارۋ جۇيەسى «كۇشتى پرەزيدەنت – ىقپالدى قۇرىلتاي – ەسەپ بەرەتىن ۇكىمەت» تۇجىرىمداماسى نەگىزىندە تۇبەگەيلى جاڭعىرادى دەگەن ءسوز», دەدى قاسىم-جومارت توقاەۆ.
جاڭا كونستيتۋتسيانىڭ كۇشىنە ەنۋىنە 26 كۇن قالدى
مەملەكەت باسشىسى جۇرگىزىلىپ جاتقان قۇقىقتىق رەفورمالار ەلدەگى الەۋمەتتىك-ەكونوميكالىق وزگەرىستەرگە دە جاڭا سەرپىن بەرەتىنىن ايتتى.
«وسى قۇقىقتىق رەفورمالار ەلىمىزدە جاسالىپ جاتقان الەۋمەتتىك-ەكونوميكالىق وزگەرىستەرگە دە تىڭ سەرپىن بەرمەك. ءسوز سوڭىندا اكىمشىلىك راسىمدىك-پروتسەستىك كودەكستى ازىرلەۋگە جانە ونىڭ نورمالارىن جۇزەگە اسىرۋعا اتسالىسقان بارشا ازاماتقا شىنايى ريزاشىلىعىمدى بىلدىرەمىن. بۇگىنگى باسقوسۋدا اكىمشىلىك ادىلەت ينستيتۋتىن نىعايتۋعا قاتىستى ماڭىزدى ويلار مەن ۇتىمدى ۇسىنىستار ايتىلادى دەپ سەنەمىن», دەدى پرەزيدەنت.
ەسكە سالا كەتەيىك, بۇگىن مەملەكەت باسشىسى جاڭا كونستيتۋتسيا ەرەجەلەرىن جۇزەگە اسىرۋ ماقساتىندا بەس كونستيتۋتسيالىق زاڭعا قول قويدى.