ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى +/- 1 پ.ت. دالىزىمەن جىلدىق 17,00% دەڭگەيىندە بەلگىلەۋ تۋرالى شەشىم قابىلدادى. بۇل شەشىم كەزەكتى بولجامدى راۋندتىڭ ناتيجەسىنە, نەگىزگى ماكروەكونوميكالىق كورسەتكىشتەر مەن ينفلياتسيا تاۋەكەلدەرى تەڭگەرىمىنىڭ جاڭارتىلعان باعالاۋىنا سۇيەنىپ قابىلداندى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
جىلدىق ينفلياتسيانىڭ باياۋلاۋ ءۇردىسى جالعاسىپ كەلەدى. وتكەن جىلعى قىركۇيەكتەگى ەڭ جوعارى ءمان – 12,9%-دان 2,5 پايىزدىق تارماققا تومەندەپ, بيىلعى مامىر ايىنىڭ قورىتىندىسى بويىنشا 10,4% بولدى.
ازىق-ت ۇلىك ينفلياتسياسى 10,7%-عا دەيىن تومەندەدى. بۇعان جەمىس-جيدەك پەن كوكونىس, الەۋمەتتىك ماڭىزى بار ازىق-ت ۇلىك تاۋارلارى مەن جەكەلەگەن يمپورتتىق تاۋارلار باعاسى ءوسىمىنىڭ باياۋلاۋى سەبەپ بولدى.
ازىق-ت ۇلىككە جاتپايتىن ءينفلياتسيانىڭ وسۋ قارقىنى (11,7%) بۇرىنعى دەڭگەيىندە ساقتالدى. بۇل باعىتقا تەڭگە باعامىنىڭ نىعايۋى مەن تۇتىنۋشىلىق كرەديتتەۋدىڭ باسەڭدەۋى سالدارىنان سۇرانىستىڭ تۇراقتانۋ بەلگىلەرى اسەر ەتتى.
كورسەتىلەتىن قىزمەتتەر باعاسىنىڭ وسۋى دە سۇرانىستىڭ تۇراقتانۋى مەن تۇرعىن ءۇي-كوممۋنالدىق قىزمەت تاريفتەرى ءوسىمىنىڭ باسەڭدەۋىنەن باياۋلاپ, 8,7%-دى قۇرادى.
مامىر ايىندا ايلىق ينفلياتسيا 0,7%-عا دەيىن باياۋلادى (ساۋىردە – 0,8%). بازالىق جانە ماۋسىمدىق فاكتورلار ەسكەرىلمەگەن ينفلياتسيا دا 0,7%-عا دەيىن تومەندەدى.
تابىسىنان 8 ەسە كوپ قارىزى بارلارعا نەسيە بەرىلمەيدى: ۇلتتىق بانك جاڭا شەكتەۋ ەنگىزەدى
حالىقتىڭ الداعى ءبىر جىلعا ارنالعان ينفلياتسيالىق كۇتۋلەرى مامىردا 12,7% بولدى. سوڭعى ەكى ايدا بۇل كورسەتكىش 12,4-12,7% ارالىعىندا قالىپتاستى. ال وتكەن جىلدىڭ ورتاسىنان بەرى ول تۇراقتى تۇردە 13-14%-دان جوعارى بولعان ەدى. قازىرگى كۇتۋلەردىڭ ەداۋىر بولىگى رەتتەلەتىن باعالار رەفورماسىنىڭ ىقپالىمەن قالىپتاسىپ وتىر. ال, نارىققا كاسىبي قاتىسۋشىلاردىڭ 2026 جىلدىڭ سوڭىنا قاراي ينفلياتسيا بويىنشا كۇتۋلەرى 10,0% دەڭگەيىندە وزگەرىسسىز قالدى.
ازىق-ت ۇلىكتىڭ الەمدىك باعاسى – وسىمدىك مايى, ەت جانە ءداندى داقىلداردىڭ قىمباتتاۋى ەسەبىنەن بىرقالىپتى ءوسىپ جاتىر, ال قانت پەن ءسۇت ونىمدەرىنىڭ باعاسى تومەندەپ وتىر.
رەسەي فەدەراتسياسىندا دا ينفلياتسيانىڭ باياۋلاۋ بەلگىلەرى بايقالادى. ەو مەن اقش-تا ەنەرگيا كوزدەرى باعاسىنىڭ جوعارى ساقتالۋىنا بايلانىستى دەزينفلياتسيا پروتسەسى توقتاپ قالدى. وسىعان وراي, جەتەكشى ورتالىق بانكتەر اقشا-كرەديت ساياساتىن ساقتىقپەن جۇرگىزىپ وتىر جانە ونى كەز كەلگەن ۋاقىتتا تۇزەتۋگە دايىن ەكەنىن بايقاتتى.
جاڭارتىلعان بازالىق ستسەناري اياسىندا الدىڭعى بولجامدارمەن سالىستىرعاندا, وسى جىلدىڭ سوڭىنا دەيىن Brent ماركالى مۇنايدىڭ باعاسى نەعۇرلىم جوعارى دەڭگەي – 1 باررەل ءۇشىن 90 دوللار كولەمىندە بولادى دەپ بولجانادى. مۇناي باعاسىنىڭ مۇنداي ديناميكاسى تاياۋ شىعىستاعى گەوساياسي شيەلەنىستىڭ اسەرىنەن قالىپتاسىپ وتىر. بولجام بويىنشا باعا بىرتىندەپ تومەندەپ, 2027 جىلى باررەلىنە 75 دوللاردى, ال 2028 جىلى 65 دوللاردى قۇراماق.
2026 جىلعا ارنالعان ينفلياتسيا بولجامى 9-11%-عا دەيىن (بۇعان دەيىن 9,5-11,5%) تومەندەۋ جاعىنا قاراي قايتا قارالدى. بۇعان باعا ءوسىمىنىڭ ءىس جۇزىندە تەز باياۋلاۋى, ققس كوتەرىلۋىنىڭ باعاعا شەكتەۋلى اسەرى, سونداي-اق تەڭگە باعامىنىڭ نىعايۋى بىردەن-ءبىر سەبەپ بولدى.
ۇلتتىق بانك بيىل ينفلياتسيانىڭ ءبىر ءماندى دەڭگەيگە تومەندەۋىن كۇتەدى. بۇعان ۇستامدى قاتاڭ اقشا-كرەديت شارتتارى مەن ۇكىمەتپەن بىرلەسىپ اتقارىلىپ جاتقان ماكروەكونوميكالىق تۇراقتىلىقتى قامتاماسىز ەتۋ شارالارى سەپتىگىن تيگىزەدى. بولجام بويىنشا, 2027 جىلى ينفلياتسيا 5,5-7,5%-عا دەيىن باياۋلايدى, ال 2028 جىلى 5%-دىق نىسانالى كورسەتكىشكە دەيىن تۇراقتانادى. ول سىرتقى ينفلياتسيالىق جاعدايدىڭ قالىپقا كەلۋىنە, ينفلياتسيالىق كۇتۋلەردىڭ تومەندەۋىنە, كۆازيفيسكالدىق ىنتالاندىرۋدىڭ جانە فيسكالدىق شوعىرلاندىرۋدىڭ ازايۋى اياسىندا بولادى.
2027 جىلدان باستاپ ازاماتتاردىڭ قارىز كولەمىنە شەكتەۋ ەنگىزىلۋى مۇمكىن
ينفلياتسيا تاۋەكەلدەرىنىڭ پروينفلياتسيالىق باعىتقا قاراي ىعىسۋ دارەجەسى تومەندەدى.ء بىرىنشى جارتىجىلدىقتاعى بىرقالىپتى ىشكى سۇرانىس پەن تەڭگەنىڭ نىعايۋىنا ىقپال ەتكەن قولايلى سىرتقى كونيۋنكتۋرا جيناقتالعان پروينفلياتسيالىق قىسىمدى ءىشىنارا تەڭەستىردى.
ىشكى تاۋەكەلدەر: كۆازيفيسكالدىق ىنتالاندىرۋ اياسىندا سۇرانىستىڭ جەدەل ءوسۋى, اقشا اگرەگاتتارىنىڭ كەڭەيۋى, قۇبىلمالى ينفلياتسيالىق كۇتۋلەر, سونداي-اق تكق تاريفتەرى مەن ججم باعالارىن رەفورمالاۋ پارامەترلەرىنىڭ ناقتى ىسكە اسۋى.
سىرتقى تاۋەكەلدەر: سىرتقى ينفلياتسيالىق قىسىمدى كۇشەيتەتىن جانە الەمدىك نارىقتاعى قۇبىلمالىلىقتى ارتتىراتىن گەوساياسي شيەلەنىستەر.
2026 جىلعا ارنالعان ءىجو-ءنىڭ ءوسۋ بولجامى جاقسارىپ, 4,5-5,5% ارالىعىندا باعالاندى. بولجام ناقتى ەكونوميكالىق بەلسەندىلىكتىڭ جوعارىلاۋى مەن مۇناي باعاسىنداعى العىشارتتاردىڭ جاقسارۋىنا بايلانىستى قايتا قارالدى. 2027-2028 ءجىلدارى جىو ءوسىمى 3,5-4,5% دەڭگەيىندە بولادى دەپ كۇتىلەدى. ورتامەرزىمدى كەلەشەكتە ەكونوميكاداعى ءوسىم ىشكى سۇرانىستىڭ نەعۇرلىم تەڭگەرىمدى ديناميكاسى مەن مۇناي باعاسىنىڭ تومەندەۋى جاعدايىندا قالىپتاسادى.
قول جەتكىزىلگەن ينفلياتسيانىڭ باياۋلاۋى مەن بولجامداردىڭ جاقسارۋىنا بايلانىستى وسى وتىرىستا بازالىق مولشەرلەمەنى تومەندەتۋ مۇمكىندىگى قالىپتاستى. سونىمەن بىرگە, بيىل ينفلياتسيانىڭ ءبىر ءماندى كورسەتكiشكە دەيىن تومەندەۋىن قامتاماسىز ەتۋ جانە ورتامەرزىمدى كەلەشەكتەگى ماقساتقا قول جەتكىزۋ ءۇشىن اقشا-كرەديت شارتتارىنىڭ ۇستامدى قاتاڭدىعىن ساقتاۋ قاجەت. بۇدان كەيىنگى شەشىمدەر ينفلياتسيانىڭ ناقتى تراەكتورياسىنا, ىشكى سۇرانىس ديناميكاسىنا, فيسكالدىق پارامەترلەردىڭ ورىندالۋىنا جانە كۆازيفيسكالدىق ىنتالاندىرۋدىڭ اسەرىنە سۇيەنە وتىرىپ قابىلدانادى.
قابىلدانعان شەشىمگە تۇرتكى بولعان فاكتورلار مەن بولجامدار تۋرالى تولىق اقپارات 2026 جىلعى 10 ماۋسىمدا ۇلتتىق بانكتىڭ رەسمي ينتەرنەت-رەسۋرسىندا جاريالاناتىن اقشا-كرەديت ساياساتى تۋرالى باياندامادا بەرىلەدى. ۇلتتىق بانكتىڭ اقشا-كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2026 جىلعى 24 شىلدەدە استانا قالاسىنىڭ ۋاقىتىمەن ساعات 12:00-دە جاريالانادى.
بۇعان دەيىن قاسىم-جومارت توقاەۆ ۇلتتىق بانك باسشىلىعىنىڭ 2025 جىلى اتقارعان جۇمىس قورىتىندىسى مەن 2026 جىلعا ارنالعان جوسپارى تۋرالى ەسەبىن تىڭدادى.