ەلوردادا بالالاردىڭ جول-كولىك وقيعالارىنان زارداپ شەگۋ كورسەتكىشى كۇرت وسكەن. استانا قالاسى پوليتسيا دەپارتامەنتىنىڭ مالىمەتىنشە, جىل باسىنان بەرى كامەلەتكە تولماعانداردىڭ قاتىسۋىمەن 311 جول-كولىك وقيعاسى تىركەلگەن. بۇل وتكەن جىلمەن سالىستىرعاندا 36,4%-عا كوپ. اپات سالدارىنان 412 بالا جاراقات الىپ, ەكى بالا كوز جۇمعان, دەپ حابارلايدى Egemen.kz
قۇقىق قورعاۋ ورگاندارىن اسىرەسە جاس ۆەلوسيپەدشىلەردىڭ قاتىسۋىمەن بولاتىن جول اپاتتارىنىڭ كوبەيۋى الاڭداتىپ وتىر. بيىل مۇنداي 52 وقيعا تىركەلىپ, كورسەتكىش 20,9%-عا وسكەن. سونىڭ سالدارىنان ءبىر بالا قازا تاپقان. پوليتسيا جاقىندا قالا كوشەلەرىندە بولعان ءجاسوسپىرىم ۆەلوسيپەدشىلەردى قاعىپ كەتۋ دەرەكتەرىن مىسالعا كەلتىردى.
استانادا جۇك كولىگى قاققان بالا وقيعا ورنىندا كوز جۇمدى
ۆەدومستۆو وكىلدەرىنىڭ ايتۋىنشا, قايعىلى وقيعالاردىڭ نەگىزگى سەبەپتەرى – بالالاردىڭ جول قوزعالىسى ەرەجەلەرىن جەتكىلىكتى بىلمەۋى, اتا-انالاردىڭ سالعىرتتىعى, جولدى بەلگىلەنبەگەن جەردەن كەسىپ ءوتۋى جانە ۆەلوسيپەدتەن تۇسپەي جاياۋ جۇرگىنشىلەر وتكەلىنەن ءوتۋى.
ءتارتىپ بۇزۋشىلىقتاردىڭ الدىن الۋ ماقساتىندا پوليتسيا اكىمشىلىك باقىلاۋدى كۇشەيتكەن. جىل باسىنان بەرى 16 جاستان اسقان 70-تەن استام ءجاسوسپىرىم اكىمشىلىك جاۋاپكەرشىلىككە تارتىلدى.