اقسۋ جاستارى وبلىس اكىمىمەن جاڭا كونستيتۋتسيا جوباسىن تالقىلادى

Eurasian Resources Group قۇرامىنا كىرەتىن كاسىپورىن اقسۋ ماەس ستانتسياسى مەن «شىعىس» كەنىشىن بىرىكتىرەدى. ول قازاقستانداعى ەڭ ءىرى كومىر مەن ەلەكتر ەنەرگياسىن جەتكىزۋشىلەردىڭ ءبىرى. مۇندا 4,5 مىڭنان استام ادام ەڭبەك ەتەدى جانە ۇجىمنىڭ ەداۋىر بولىگىن جاس ماماندار قۇرايدى. ەڭ الدىمەن ءوڭىر باسشىسى نازارىن سولارعا اۋداردى.

كەزدەسۋدى اشقان اسايىن بايحانوۆ جاڭا كونستيتۋتسيا جوباسىنىڭ نەگىزگى قاعيداسى − ادامدى, ونىڭ ءومىرى, قۇقىقتارى مەن بوستاندىقتارىن مەملەكەتتىڭ ەڭ جوعارى قۇندىلىعى دەپ تانۋ ەكەنىن اتاپ ءوتتى.

«جاڭا كونستيتۋتسيا ادامدى, ونىڭ ءومىرى, قۇقىقتارى مەن بوستاندىقتارىن مەملەكەتتىڭ ەڭ جوعارى قۇندىلىعى دەپ تانۋعا نەگىزدەلگەن. بۇل دەگەنىمىز − باستى نازاردا جاستار, ياعني سىزدەرسىزدەر. ەلدىڭ جاڭا زاڭى بويىنشا ءومىر ءسۇرىپ, بولاشاقتى قۇراتىن دا − سىزدەر. ەرتەڭگى كۇننىڭ بەرىك نەگىزى ءوز قولدارىڭىزدا», دەدى وبلىس اكىمى.

ءوڭىر باسشىسى مەملەكەتتىڭ مىندەتى − دامۋ ءۇشىن جاعداي جاساۋ, ال جاستاردىڭ مىندەتى − سول مۇمكىندىكتەردى پايدالانىپ, ءبىلىم الۋ, كاسىبيلىگىن شىڭداۋ جانە ءوز ىسىنە جاۋاپكەرشىلىكپەن قاراۋ ەكەنىن ەرەكشە اتاپ ءوتتى.

اقتاۋدا «مۋزارت» توبىنىڭ قاتىسۋىمەن جاڭا كونستيتۋتسيانى قولداۋعا ارنالعان فورۋم ءوتتى

ءوڭىر باسشىسى وبلىستا جالپى سوماسى 7,3 ترلن تەڭگەگە 107 ينۆەستيتسيالىق جوبا بەلسەندى جۇزەگە اسىرىلىپ جاتقانىن اتاپ ءوتتى. ولاردى ىسكە قوسۋ 16 مىڭنان استام جاڭا جۇمىس ورنىن اشۋعا مۇمكىندىك بەرەدى. سونىمەن قاتار الەۋمەتتىك ينفراقۇرىلىمدى دامىتۋ, اۋماقتاردى اباتتاندىرۋ جانە جايلى قالالىق ورتا قالىپتاستىرۋ جۇمىستارى دا جۇرگىزىلىپ جاتىر.

كەزدەسۋ بارىسىندا ادام كاپيتالىن دامىتۋعا ەرەكشە كوڭىل ءبولىندى. وڭىردە شامامەن 750 مىڭ ادام تۇرادى جانە حالىقتىڭ ەلەۋلى بولىگىن جاستار قۇرايدى. 100-دەن استام ءىرى كاسىپورىن جاس مامانداردى جۇمىسقا قابىلداۋعا دايىن. ءبىلىم بەرۋ جانە تاجىريبەگە باعىتتالعان 50-دەن استام باعدارلاما, 20-دان استام ستارتاپ-باعدارلاما جۇزەگە اسىرىلىپ جاتىر, IT-حاب جۇمىس ىستەپ تۇر, سپورتتىق, مادەني جانە قوعامدىق باستامالارعا قاتىسۋعا ارنالعان 30-دان استام پلاتفورما بار.

ء«بىزدىڭ ءوڭىردىڭ ەرەكشەلىگى − قۋاتتى ونەركاسىپتىك الەۋەت پەن ءبىلىم بەرۋ جۇيەسى تىعىز بايلانىستا جۇمىس ىستەيدى. بۇل − ناعىز مۇمكىندىكتەر مەكەنى. مىقتى ءوڭىردى مۇمكىندىكتەردى كورە بىلەتىن جانە جاۋاپكەرشىلىكتەن قورىقپايتىن مىقتى ادامدار قالىپتاستىرادى», دەپ اتاپ ءوتتى اكىم.

ديالوگ بارىسىندا جاستار وكىلدەرى ءوڭىردى دامىتۋ پەرسپەكتيۆالارى جانە الداعى رەفەرەندۋمنىڭ ماڭىزى تۋرالى ءوز پىكىرلەرىن ورتاعا سالدى.

رەفەرەندۋم جانە جاڭا كونستيتۋتسيا: حالىق كوپ جينالاتىن ورىنداردا اقپاراتتىق جۇمىس جانداندى

اەس جىلۋ اۆتوماتيكاسى جانە ولشەۋ تسەحىنىڭ 3-رازريادتى ەلەكتر سلەسارى ءاليحان اۋشايحوۆ داۋىس بەرۋگە قاتىساتىنىن ايتتى.

«ەلىمىزدىڭ بولاشاعى ءبىزدىڭ تاڭداۋىمىزعا بايلانىستى. ءبىز وزىمىزگە جاۋاپكەرشىلىك الۋعا جانە ءوڭىرىمىز بەن قازاقستاننىڭ دامۋىنا ۇلەس قوسۋعا دايىنبىز», دەدى ول.

اەس جوندەۋ-مەحانيكالىق تسەحىنىڭ تەحنيگى رىسگۇل التىنبەكوۆا كاسىبي ەڭبەك جولى مەن جالپى ەڭبەك ءوتىلى 100 جىلدان اساتىن ءوزىنىڭ ەنەرگەتيكتەر اۋلەتى تۋرالى ايتتى.

«ادال ەڭبەكتىڭ جانە تۇراقتى جۇمىستىڭ ارقاسىندا, ەلەكتر ستانتسياسى ۇسىنعان مۇمكىندىكتى پايدالانىپ, ءبىز جەڭىلدەتىلگەن نەسيە باعدارلاماسى بويىنشا جاڭا پاتەرگە قول جەتكىزدىك. بۇل − ەڭبەك ادامىنا كورسەتىلگەن قولداۋدىڭ ناقتى ناتيجەسى», دەدى ول.

كەزدەسۋگە قاتىسقان وزگە دە ينجەنەرلەر, وندىرىستىك بولىمشەلەردىڭ جۇمىسشىلارى, جاستار ۇيىمدارى مەن ءبىلىم بەرۋ جۇيەسىنىڭ وكىلدەرى ازاماتتىق ۇستانىمنىڭ, رەفەرەندۋمعا قاتىسۋدىڭ جانە ەل بولاشاعىنا سانالى كوزقاراسپەن قاراۋدىڭ ماڭىزىن اتاپ ءوتتى. ءوز سوزدەرىندە ولار الەۋمەتتىك ادىلەتتىلىك, زاڭ ۇستەمدىگى, ەڭبەك ادامىن قولداۋ, ەكولوگيالىق جاۋاپكەرشىلىكتى دامىتۋ جانە ۇسىنىلعان وزگەرىستەردىڭ نەگىزگى باعىتتارى رەتىندە مەملەكەتتىلىكتى نىعايتۋ تۋرالى ايتتى.

بيبىگۇل جەكسەنباي: كونستيتۋتسيانى تالقىلاۋ – قوعامنىڭ ورتاق جاۋاپكەرشىلىگى

كەزدەسۋ سوڭىندا اسايىن بايحانوۆ جاستاردى 15 ناۋرىزدا وتەتىن رەفەرەندۋمعا جاۋاپكەرشىلىكپەن قاتىسۋعا شاقىرىپ, ءوڭىردىڭ بولاشاعى − ونىڭ بارلىق تۇرعىندارىنىڭ ورتاق ءىسى ەكەنىن اتاپ ءوتتى.

«رەفەرەندۋمعا قاتىسۋ ارقىلى اركىم ءوزىنىڭ ازاماتتىق ۇستانىمىن بىلدىرە الادى. تاڭداعان جولدارىڭىزدان تايماي, جاڭا بەلەستەردى باعىندىرىڭىزدار. پاۆلودار ەرتىس ءوڭىرىنىڭ دامۋىنا ۇلەس قوسىپ جاتقان ءاربىر ازاماتقا العىس ايتامىن», دەپ تۇيىندەدى ءوڭىر باسشىسى.