«ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» اتتى جالپىۇلتتىق كواليتسيا بەلسەندىلەرى وڭىرلەردە كەڭ اۋقىمدى اقپاراتتىق-ءتۇسىندىرۋ شارالارىن قولعا الدى, دەپ حابارلايدى Egemen.kz.
استانا قالاسىنان باستاۋ العان جۇمىس, قاراعاندى, قوستاناي, پاۆلودار, سولتۇستىك قازاقستان وبلىستارى مەن شىمكەنتتە جالعاسىن تاپتى. بەلسەندىلەر بەلگىلەنگەن ورىنداردا ۇگىت-ناسيحات پلاكاتتارىن ىلۋمەن قاتار, اقپاراتتىق-تۇسىندىرمە پاراقشالارىن ازاماتتارعا تاراتۋدا.
سونداي-اق حالىقتىق شتاب مۇشەلەرى مەن بەلسەندىلەر ەلىمىز بويىنشا اقپاراتتاندىرۋ, تۇسىندىرمە جۇمىستارىن جۇرگىزۋدە.
جالپىۇلتتىق كواليتسيا شتابىنىڭ مۇشەسى, «جاستار رۋحى» توراعاسىنىڭ ورىنباسارى ەرجان حاميتوۆ ناۋقانعا ەلىمىزدىڭ بارلىق وڭىرلەرىنەن جاستار بەلسەندى قاتىسىپ جاتقانىن اتاپ ءوتتى.
«كواليتسيا جۇمىسى باستالىسىمەن 3 رەسپۋبليكالىق ماڭىزى بار قالا مەن 17 وبلىستا قۇرىلعان شتابتار جانىنداعى بەلسەندىلەر جۇيەلى ىسكە كىرىستى. بۇگىندە جاستار وفلاين فورماتتا اقپاراتتىق ماتەريالداردى تاراتىپ, ازاماتتارعا جاڭا كونستيتۋتسيانىڭ مازمۇنى مەن 15 ناۋرىزدا وتەتىن رەفەرەندۋمنىڭ ماڭىزىن تۇسىندىرۋدە. سونىمەن قاتار, الەۋمەتتىك جەلىلەر ارقىلى دا كەڭ اۋديتوريانى قامتىپ, ونلاين كەڭىستىكتە بەلسەندى ءتۇسىندىرۋ جۇمىستارى جۇرگىزىلۋدە. نەگىزگى ماقساتىمىز - قوعامعا الداعى ساياسي ناۋقاننىڭ ءمانى مەن ماڭىزىن جان-جاقتى جەتكىزۋ», دەدى ول.
شتاب وكىلدەرىنىڭ مالىمەتىنشە, اقپاراتتىق شارالار وبلىس جانە قالا ورتالىقتارىمەن قاتار, اۋدان مەن اۋىلدىق ەلدى مەكەندەردى دە قامتىپ وتىر. الداعى ۋاقىتتا «ەسىكتەن ەسىككە» اكتسياسى ۇيىمداستىرىلىپ, تۇرعىندارمەن جەكە فورماتتا جۇزدەسۋ جوسپارلانعان. بۇل باستاما اياسىندا ازاماتتاردىڭ سۇراقتارىنا ناقتى جاۋاپ بەرىلىپ, قوسىمشا تۇسىندىرمە ماتەريالدارى ۇسىنىلادى.
بۇدان بولەك, حالىقتىق شتاب مۇشەلەرى رەسپۋبليكا كولەمىندە كەزدەسۋلەر ۇيىمداستىرىپ, جاڭا كونستيتۋتسيا جوباسىنىڭ نەگىزگى باعىتتارى مەن ۇسىنىلىپ وتىرعان وزگەرىستەردىڭ ءمانىن كەڭىنەن تۇسىندىرۋدە. تۇرعىندارمەن اشىق پىكىر الماسۋ فورماتىندا كەزدەسۋلەر وتكىزىلىپ, ازاماتتاردىڭ ساۋالدارىنا جاۋاپ بەرىلىپ, ۇسىنىستارى ەسكەرىلىپ جاتىر.
ايتا كەتۋ كەرەك, جەتەكشى قوعامدىق-ساياسي كۇشتەر «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» اتتى جالپىۇلتتىق كواليتسيا اياسىندا بىرىكتى. ونىڭ قۇرامىنا ساياسي پارتيالاردىڭ ورتالىق جانە وڭىرلىك قۇرىلىمدارى, رەسپۋبليكالىق قوعامدىق بىرلەستىكتەر, پارلامەنت پەن ءماسليحات دەپۋتاتتارى, عىلىمي-ساراپشىلىق قاۋىم وكىلدەرى, مادەنيەت جانە سپورت قايراتكەرلەرى, كاسىپوداق ۇيىمدارى, سالالىق قاۋىمداستىقتار مەن جاستار ۇيىمدارى ەنگەن.
اقتاۋدا «مۋزارت» توبىنىڭ قاتىسۋىمەن جاڭا كونستيتۋتسيانى قولداۋعا ارنالعان فورۋم ءوتتى
قازىرگى ۋاقىتتا كواليتسيا مۇشەلەرى ايماقتارداعى ءتۇسىندىرۋ ءىس-شارالارىن جالعاستىرىپ جاتىر. رەفەرەندۋم قارساڭىندا ەڭبەك ۇجىمدارىمەن, ساراپشىلارمەن جانە تۇرعىندارمەن كەزدەسۋلەر وتكىزۋ ارقىلى اشىق ديالوگ الاڭدارىن كەڭەيتۋ كوزدەلىپ وتىر. نەگىزگى باسىمدىق – ازاماتتاردىڭ سانالى ءارى جاۋاپتى تۇردە شەشىم قابىلداۋىنا جاعداي جاساۋ.
ERG كەنشىلەرى جاڭا كونستيتۋتسيا جوباسىن قولدادى