وتاندىق قۇرىلىس ماتەريالدارى ءوندىرىسى سالاسىن قانداي تاۋەكەل كۇتىپ تۇر؟

نارىقتاعى باياۋلاۋ بەلگىلەرى

ۇلتتىق ستاتيستيكا بيۋروسى دەرەگىنشە, بيىلعى قاڭتاردا ەل بويىنشا تۇرعىن ءۇيدى ساتىپ الۋ-ساتۋ مامىلەلەرى 10,3%-عا قىسقارعان. ءبىر ايدا 27,7 مىڭ پاتەر مەن جەكە ءۇي ساتىلعان. قاڭتار ايى ءداستۇرلى تۇردە بەلسەندىلىگى تومەن كەزەڭ سانالادى, ايتسە دە, وتكەن جىلدىڭ سايكەس مەرزىمىمەن سالىستىرعاندا ءالسىز باستالعان.

2019 جىلدان بەرگى كەزەڭگە كوز جۇگىرتسەك, نارىق ايتارلىقتاي قۇبىلمالى سيپاتقا يە. 2019-2020 جىلدارى جىلدىق مامىلە سانى 300 مىڭنان ءسال اسقان. ال 2021 جىلى زەينەتاقى جيناعىنىڭ ءبىر بولىگىن مەرزىمىنەن بۇرىن پايدالانۋ مۇمكىندىگى ەنگىزىلىپ, مامىلە سانى 606,1 مىڭعا دەيىن جەتتى. كەيىنگى ەكى جىلدا كورسەتكىش تومەندەپ, 2024 جىلى قايتادان 16,8%-عا وسكەن. 2025 جىلى ءوسىم 3,6%-عا دەيىن باياۋلاسا, بيىلعى قاڭتاردا نارىق ءىس جۇزىندە توقىراۋ كەزەڭىنە جاقىنداعانىن كورسەتتى.

باعا قىسىمى جانە جاڭا سالىقتار

قازىرگى احۋالعا بىرنەشە فاكتور اسەر ەتىپ وتىر. سونىڭ ءبىرى – قۇرىلىس سالۋشىلار ءۇشىن 16% مولشەرىندەگى قوسىلعان قۇن سالىعىنىڭ (ققس) ەنگىزىلۋى, يپوتەكالىق ساياساتتاعى ىقتيمال وزگەرىستەر جانە تۇرعىن ءۇي باعاسىنىڭ ءوسۋى.

قاڭتار ايىندا جاڭا تۇرعىن ۇيلەردىڭ ورتاشا باعاسى وتكەن جىلداردىڭ وسى كەزەڭىمەن سالىستىرعاندا ەڭ جوعارى ءوسىمدى كورسەتتى – 17%. ءبىر جىل ىشىندە جاڭادان سالىنعان باسپانانىڭ ءبىر شارشى مەترى 100 مىڭ تەڭگەدەن استام قىمباتتاپ, 604,8 مىڭ تەڭگەگە جەتتى.

پاۆلوداردا قۇرىلىس ءبولىمىنىڭ بۇرىنعى باسشىسى 2 جىلعا سوتتالدى

مەگاپوليستەرگە تۇسەتىن سالماق

2025 جىلدىڭ قورىتىندىسىندا ەل بويىنشا پايدالانۋعا بەرىلگەن تۇرعىن ءۇي كولەمى 20,1 ملن شارشى مەترگە جەتىپ, رەكوردتىق دەڭگەي تىركەلدى. الايدا جىلدىق ءوسىم قارقىنى 6% بولىپ, الدىڭعى جىلدارمەن سالىستىرعاندا باياۋلادى.

جالپى كورسەتكىشتىڭ 44%-ى الماتى, استانا, شىمكەنت قالالارىنا تيەسىلى. وسى ءۇش مەگاپوليستە 8,8 ملن شارشى مەتر تۇرعىن ءۇي سالىنعان. دەگەنمەن ءدال وسى قالالاردا ينفراقۇرىلىمدىق جۇكتەمە كۇشەيىپ وتىر – مەكتەپ, اۋرۋحانا, ينجەنەرلىك جەلىلەر مەن كولىك جۇيەسىنە تۇسەتىن سالماق ارتىپ جاتىر. بۇل جاعداي قۇرىلىس قارقىنىن تەجەيتىن فاكتورعا اينالىپ وتىر.

قۇرىلىس قۇنى قىمباتتادى

ۇلتتىق ستاتيستيكا بيۋروسىنىڭ مالىمەتىنشە, وتكەن جىلى ءبىر شارشى مەتر تۇرعىن ءۇي سالۋعا جۇمسالعان ورتاشا شىعىن 222,1 مىڭ تەڭگەنى قۇراعان. بۇل – 2024 جىلمەن سالىستىرعاندا 8,6%-عا جوعارى. قۇرىلىس ماتەريالدارىنىڭ قىمباتتاۋى, كەيبىر ونىمدەردىڭ تاپشىلىعى جانە يمپورت ۇلەسىنىڭ ارتۋى وزىندىك قۇنعا اسەر ەتتى.

مىسالى, «سترويتەلنايا ينفورماتسيا» كومپانياسىنىڭ تالداۋىنا سايكەس, قۇرعاق قۇرىلىس قوسپالارى سەگمەنتىندە وتاندىق ءونىم ۇلەسى 92%-دان 88%-عا دەيىن تومەندەگەن. سۋەمۋلسيالى بوياۋلار نارىعىندا دا جەرگىلىكتى وندىرۋشىلەر ۇلەسى 88%-دان 82%-عا قىسقارعان.

ءوندىرىس كولەمى دە اركەلكى. قۇرعاق قۇرىلىس قوسپالارىنىڭ شىعارىلىمى شامامەن 1,3 ملن توننانى قۇراپ, نەبارى 2,1%-عا ارتقان. گيپس ءوندىرىسى 5,6%-عا, گيپسوكارتون 4,3%-عا ارتقان. ال بوياۋ جۇمىستارىنا ارنالعان شپاتليوۆكا ءوندىرىسى 6,5%-عا ازايعان.

قوناەۆتا كارىز-تازارتۋ جۇيەسىنىڭ قۇرىلىسىنا قانشا قارجى جۇمسالادى؟

بولجام جانە وڭىرلىك باسەكە

Alina Group حولدينگىنىڭ بولجامىنشا, 2026-2029 جىلدارى قازاقستاندا تۇرعىن ءۇيدى پايدالانۋعا بەرۋ كولەمى 18-19 ملن شارشى مەتر دەڭگەيىندە تۇراقتاپ, ءوسىم نولدىك دەڭگەيگە جاقىندايدى. ساراپشىلار وزبەكستان قۇرىلىس قارقىنى بويىنشا 2028 جىلعا قاراي قازاقستاننىڭ كورسەتكىش دەڭگەيىنە جەتۋى مۇمكىن ەكەنىن ايتادى. ال قىرعىزستان نارىعى 2000 جىلداردىڭ باسىنداعى قازاقستان كەزەڭىن ەسكە سالادى – بۇل ءىرى دەۆەلوپەرلەر ءۇشىن جاڭا مۇمكىندىك.

Alina Group – 36 جىلدان بەرى قۇرعاق قۇرىلىس قوسپالارى مەن لاك-بوياۋ ونىمدەرىن شىعارىپ كەلە جاتقان جەتەكشى كومپانيا. حولدينگتىڭ قۇرامىندا 19 وندىرىستىك الاڭ بار, نارىقتاعى ۇلەسى 40%-دان اسادى. كومپانيا پورتفەلىندە كەڭ تانىمال AlinEX جانە Alina Paint برەندتەرى بار.

سالالىق ديالوگ الاڭى

17 ساۋىردە الماتىدا Alina Group باستاماسىمەن ProForum Central Asia 2026 حالىقارالىق كونفەرەنتسياسى وتەدى. ءىس-شارانى AlinEX برەندى ۇيىمداستىرادى. كونفەرەنتسيادا وتاندىق جانە شەتەلدىك ساراپشىلار 2026-2027 جىلدارعا ارنالعان ترەندتەر مەن بولجامداردى تالقىلاپ, ەكونوميكالىق قۇبىلمالىلىق جاعدايىنداعى تۇراقتى دامۋ تەتىكتەرىن ۇسىنادى.

قورىتىندىلاي ايتقاندا, قۇرىلىس پەن قۇرىلىس ماتەريالدارى نارىعى جاڭا كەزەڭگە قادام باستى. سالىقتىق وزگەرىستەر, باعا قىسىمى جانە ينفراقۇرىلىمدىق شەكتەۋلەر سالانىڭ ءوسىمىن باياۋلاتقانىمەن, ساراپشىلار بۇل احۋالدى جاڭا مۇمكىندىكتەرگە جول اشاتىن كەزەڭ دەپ باعالايدى. نارىق ويىنشىلارى ءۇشىن ەندىگى باستى مىندەت – تاۋەكەلدى ءتيىمدى باسقارىپ, باسەكەگە قابىلەتتىلىكتى ساقتاپ قالۋ.

پاۆلوداردا سالىقتان جالتارعان قۇرىلىس الپاۋىتتارىنان 120 ملن تەڭگە ءوندىرىلدى