رەسەي پرەزيدەنتى ۆلاديمير پۋتين قىتاي حالىق رەسپۋبليكاسىنىڭ توراعاسى سي ءتسزينپيننىڭ شاقىرۋىمەن بەيجىڭگە باردى, دەپ حابارلايدى Egemen.kz.
بۇل – ونىڭ قىتايعا جاساعان 25-ساپارى.
بيىل قىتاي-رەسەي سەرىكتەستىك جانە ستراتەگيالىق ءوزارا ءىس-قيمىل قاتىناستارىنىڭ ورناعانىنا 30 جىل, سونداي-اق قحر مەن رف اراسىنداعى تاتۋ كورشىلىك, دوستىق جانە ىنتىماقتاستىق تۋرالى شارتقا قول قويىلعانىنا 25 جىل تولىپ وتىر.
قىتاي باق-تارى سي تسزينپين مەن توقاەۆ كەزدەسۋىن قالاي باعالادى: سەنىم, سيمۆوليزم جانە جاڭا كەلىسىمدەر
ء«بىر كۇن كورىسپەسەك تە, ءۇش كۇز وتكەندەي بولادى». ۆلاديمير پۋتين كەلىسسوزدەر بارىسىندا سي ءتسزينپيندى قارسى الىپ, قىتاي ماقالىن كەلتىردى.
ونىڭ ايتۋىنشا, قازىرگى جاھاندىق داعدارىستار كەزەڭىندە ماسكەۋ مەن بەيجىڭ اراسىنداعى بايلانىس ەرەكشە ماڭىزدى بولىپ, ەكىجاقتى ىنتىماقتاستىق جاقسى قارقىن كورسەتىپ وتىر. مىسالى, شيرەك عاسىر ىشىندە رەسەي مەن قىتاي اراسىنداعى تاۋار اينالىمى 30 ەسەگە ارتقان.
سي تسزينپين قىتاي مەن رەسەي جان-جاقتى ستراتەگيالىق ءوزارا ءىس-قيمىلدى جانە ونىڭ ساپاسىن جاڭا دەڭگەيگە كوتەرۋ ارقىلى ۇلتتىق جاڭعىرۋعا قول جەتكىزۋى, سونداي-اق اناعۇرلىم ءادىل ءارى ۇتىمدى جاھاندىق باسقارۋ جۇيەسىن قۇرۋى قاجەت ەكەنىن ايتتى.
ۆلاديمير پۋتين دە, سي تسزينپين سياقتى, سۇحباتتاسىن «قىمباتتى دوسىم» دەپ اتاپ, ونى 2027 جىلى ماسكەۋگە شاقىردى.
ترامپ سي ءتسزينپيندى ۆاشينگتونعا شاقىردى
ايتا كەتەيىك, بۇعان دەيىن سي تسزينپين بەيجىڭدە اقش پرەزيدەنتى دونالد ترامپتى سالتاناتتى تۇردە قابىلداعان بولاتىن.