استانا. 1 مامىر. لوندون ۋنيۆەرسيتەتتىك كوللەدجىنىڭ وكىلدەرى مارس بەتىنىڭ جاڭا فوتولارىن تانىستىردى. سۋرەتتەر ارقىلى وسىدان 13 جىل بۇرىن جوعالعان «بيگل-2» قوندىرۋ ءمودۋلىن كورۋگە بولادى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
فوتولاردى ءتۇسىرۋ ءۇشىن زەرتتەۋشىلەر Gotcha-PDE-TV تەحنولوگياسىن پايدالانعان. ماماندار بۇل ءىستى Mars Reconnaissance Orbiter عارىش اپپاراتىنىڭ بورتىنا ورناتىلعان HiRISE كامەراسى ارقىلى جۇزەگە اسىردى. HiRISE كامەراسىنىڭ ەرەكشەلىگى – 300 شاقىرىم بيىكتەن 30 سانتيمەتر زاتتى اجىراتا الادى. بۇل تۇستا ارنايى مامانداردىڭ كومەگىمەن فوتواپپاراتتىڭ ساپاسىن كۇشەيتىپ, 5 سانتيمەترگە دەيىن انىقتايتىنداي ەتىپ جاڭارتتى.
تەحنولوگيانى قۇراستىرۋشىلار ەكى سۋرەتتى جۇرت نازارىنا ۇسىنىپ وتىر. ولاردان مارستا جۇرگەن SPIRIT كولىگىنىڭ ىزدەرىن كورۋگە بولادى. قازىر زەرتتەۋ جۇمىستارى ءجۇرىپ جاتىر.
ايان ءابدۋالي.
دەرەك, فوتو: inform.kz.