قوسىلعان قوس وزەن

ءبىر ارنادا ەكى تۇسپەن اعادى الماتى حالىقارالىق اۋەجايى ماڭىندا تۇيىسەتىن جاربۇلاق پەن كىشى الماتى وزەندەرى تابيعاتتىڭ تاماشا قۇبىلىسىمەن تۇرعىنداردى تاڭداندىرىپ وتىر. قۇلديلاپ اققان قوس وزەن ءبىر ارنادا تۇيىسكەندە ەكەۋىنىڭ سۋى ءبىر-بىرىمەن ارالاس­پاي, ەكى ءتۇرلى رەڭكپەن اعۋدا. قالانىڭ ءار تۇكپىرىنەن ارنايى كەلىپ تاماشالاپ جات­قان حالىقتى تاڭعالدىرعان كورىنىستى بەلگىلى ەكولوگ مەلس ەلەۋسىزوۆ «تابيعاتتىڭ توسىن قۇبىلىسى» دەپ باعالاپ وتىر. ونىڭ ايتۋىنشا, ومىردە مۇنداي قۇبىلىستار سيرەك تە بولسا كەزدەسىپ تۇرادى. ەكى ءتۇر­لى رەڭك­پەن اعاتىن وزەندەر تاۋلى جەرلەردە كوپ ۇشىراسادى ەكەن. سەبەبى, ءبىر وزەننىڭ باس­­تا­ۋى بۇلاقتان ءمولدىر قالپىندا اق­سا, ونىمەن تۇيىسەتىن كەلەسى ءبىر وزەن الىستان اعىپ كەلۋى سەبەپتى, سونداي-اق, جول بو­يىندا جارقاباقتاردىڭ سازى­مەن ارالاسا وتىرىپ مۇلدەم وزگە رەڭكە بويالادى. ناتيجەسىندە قۇرامدارى ۇقساس, ءتىپتى, بىردەي ەكى وزەننىڭ بىرىگىپ اققان اعىسى ءتۇرلى رەڭككە بويالماق. وزەن سۋىنىڭ بۇلاي مىنەز تانىتۋىنا اعىن سۋدىڭ قوسىلار ساعاسىنىڭ دا ورنالاسقان ورنى اسەر ەتەدى ەكەن. دەگەنمەن, اتال­عان وزەننىڭ ەكى ءتۇرلى رەڭگە بويالىپ اعاتىنى تابيعاتتىڭ ەرەكشەلىگى بولسا كەرەك! قانات ەسكەندىر, «ەگەمەن قازاقستان» الماتى